Aalisakkat qaleruallillu

Immikkoortoqarfik siunnersuisarnermut akisussaavoq

Uumasut aalisarnikkut inuiaqatigiinnut pingaaruteqarnerpaat iluaqutigineqarnerat illersorneqarnerallu pillugu ilisimatuussutsikkut siunnersuisarnermut immikkoortortaq akisussaavoq. 2007-imi suliat raajat, qalerallit, assagiarsuit aammalu suluppaakkat ilisimatusarfigineqarnerannut tunnganeruupput. Tamatuma saniatigut immikkoortortamiit uumasut annikinnerusumik sammineqartut tassaapput nipitsat, uiluiit aammalu kapisillit.

Aalisarnermit, namminerlu misissuinermit paasissutissat

Ilisimatuussutsikkut misissuisut siunnersuisarnerminni paasissutissat aalisarnermit pisut aammalu biologit ilisimatuussutsikkut misissuinerannit pisut atortarpaat. Misissuinernit paasisat nunat tamat ilisimatuussutsikkut suleqatigiiffiini saqqummiunneqartarput ilisimatuunillu nunanit allanit ilaasortaasuneersunit uumasut assigiinngitsut qanoq issusiisa allanngoriartornerisa naliliivigineqarneranni atorneqartarlutik.

Tamatuma kingorna ilisimatuussutsikkut misissuisut uumasut pillugit siunnersuuteqartarput Pinngortitaleriffimmiit Naalakkersuisunut saqqummiunneqartartunik.

Suliat uteqattaartut

Aalisakkanut qaleruallillu immikkoortortaq suliaminut atatillugu sulianik uteqattaarneqartartunik assigiinngitsunik suliaqartarpoq. Assersuutigalugu tamakku ilaatigut tassaapput angalanermik allattuiffinnik misissueqqissaarnerit, siunnaat misissornerisigut aalisakkanik utoqqaasisersiuineq, aalisarnermit misissugassanik tigooraaneq misissueqqissaarnerlu, assagiarsuit suaaneriniit inerikkiartornerannik misissuineq, aalisarnermi kisitsisinik misissueqqissaarneq kiisalu raajaqassutsimik, assagiarsoqassutsimik, qaleraleqassutsimik, saarulleqassutsimik kiisalu qaleraleqassutsimik ukiut tamaasa misissuisarnerit.

Nalunaarusiat ilisimatuussutsikkut allaaserisat il.il.

Tamatuma saniatigut immikkoortortaq ilisimatusarnikkut suliniutissanik nutaanik pilersaarusiortarpoq ingerlatsisarlunilu, nalunarusiortarluni, ataatsimiinnernit paasissutissiortarluni, ilisimatuussutsikkut allaaserisaqartarluni kiisalu siunnersuisarluni aammalu ilisimatuussusermut tunngasutigut nunat tamalaat ataatsimiinnerinut peqataasarluni.

Imaq pillugu paasissutissat ilisimatusartunit atugassat

Taamattaaq Pinngortitaleriffik imaq pillugu paasissutissanik katersuisarpoq nunat tamalaat sila pillugu ilisimatusarneranni atugassanngorlugit nunat tamalaat paasissutissaasiviinut ingerlateqqinneqartartunik.

Aalisartunik, nakkutilliisunik kattuffinnillu suleqateqarneq

Aalisartut, biologit, aalisarnermik nakkutilliisut, piniarnermik aalisarnermillu nakkutilliisut kiisalu kattuffiit akornanni suleqatigiinneq pitsaaneruleqqullugu ilisimasanillu paarlaasseqatigiilluarneqartaq qullugu aalisarnermut attuumassuteqartunut tamanut attaveqarnerup annerulersinneqarnissaa immikkoortortamit pingaartinneqarpoq.

Taamaammat sulisut periarfissaqaraangamik aalisartunik tamaaniittunik ataatsimeeqateqartarput aalisartut pisuussutit pillugit misilittagaannik paasisaqarfigiumallugit aammalu misissueriaatsit, paasisat, siunnersuinerit uumasunullu tunngasut pillugit oqalliseqatigiumallugit.

Tamatuma saniatigut apeqqutit aalisarnermut tunngasut pillugit isumasioqatigiinnernut sulisut peqataasarput pisariaqaleraangallu ilinniartitsisarlutik.

Nunat tamalaat ilisimatuussutsikkut suleqatigineqarput

Uumasut immikkoortortap sammisartagai pillugit ilisimatusarneq siunnersuinerlu pillugit nunat tamalaat ilisimatuussutsikkut sulineranni sulisut peqataasarput. Immikkoortortaq nunat tamalaat suleqatigiiffiini makkunani sinniisuutitaqarpoq:

Nutartigaq 19.04.2011

Nutaarsiassat kingulliit:

28.02.2017

Qimusseriarsuarmi 2014-imi 2015-imilu misileraalluni ineriartortitsiniarlunilu aalisarnernit nalunaarusiaq saqqummerpoq

2014-imi kalinnerit katillugit 548-t pisallu tamakkerlugit 1.407 tonsit. 2015-imi misissuinerni...

04.01.2017

Eqqaaniut: Ilisimatusarnermi isumalluutivissuaq akornatsinniikkunnaarpoq

Michael C.S. Kingsley-p suliassanik ajornakusoortunik piuminaassinnaasunillu suliaqarnissamik...

29.09.2016

Raajaqassuseq 2016-imi allannguuteqangaanngilaq - 2017-imut siunnersuineq taamaaginnarpoq

Raajaqassutsip appariartornerata 2015-imi unittutut isikkoqartup 2016-imi taamaaginnarnissaa...

31.08.2016

Kalaallit Nunaata imartaani ukioq manna avaleraasartooqarneraaq

Aasaq manna avaleraasartuunik misissuinernit inernerit ICES-ip ullumi ataatsimiinnerani...

Nutaasiassat tamaasa takukkit
Tunumi misissuineq. Assiliisoq: Henrik Lund.
Tunumi misissuineq. Assiliisoq: Henrik Lund.
Raajat. Assiliisoq: Carsten Egevang.
Raajat. Assiliisoq: Carsten Egevang.
Laboratoriami uuttortaaneq. Assiliisoq: GN
Laboratoriami uuttortaaneq. Assiliisoq: GN
123porn.me