Aalisakkanik Ilisimatusartartoq

Ilisimatusartartoq/Seniorforsker

31.05.18

Pinngortitaleriffik Nuummiittoq ilisimatusartartumik/ seniorfoskerimilluunniit aalisakkanik qalerualinnillu misissuisartussamik pissarsiorpoq. Atorfinittussaq Aalisakkanut qalerualinnullu Imikkoortoqarfiup ataani atorfinissaaq, tassanilu sulisut tamarmik peqassutsimik nalilersuisarnernik, ilisimatuutut misissuinernik siunnersuisarnernillu suliaqartuupput. Sulisussarsiorpugut inummik suliaminut tuniusimalluartumik, immikkoortoqarfittalu ineriartortinnissaanut suleqataajumasumik. Aalisarneq Kalaallit Nunaanni inussutissarsiutit pingaarnersaraat, taamaattumillu ilisimatuutut misissuisarneq aalisagaqassuserlu pillugu siunnersuisarneq inuiaqatigiinni qitiulluinnarput.

Akisussaaffiit suliassallu:

  • Aalisarneqartartut pillugit ilisimatuutut misissuinissanik malittarinninnikkullu suliassanik pilersaarusiortarneq piviusunngortitsisarnerlu kiisalu aalisarnermi paasissutissanik katersuisarnerit.
  • Paasissutissanik aalisakkanut immap ikeraniittartunut allanullumi aalisakkanut tunngatillugu   paasissutissanik pigeriikkanik nalilersueqqissaarinerit suliarinneqqittarnerillu.
  • Biologit ikiortaasa uumasunik assigiinngitsunik utoqqaassusiliisarnerisa pitsaassusiannik qulakkeerinninneq kiisalu utoqqaassusiliiniarluni periutsit atorneqartartut ineriartortinneqarnerat.
  • Peqassutsinik naliliisarnerit qarasaasiaq atorlugu naatsorsuutinik sammisaqarnerit, ilanngullugit
  • Nunat tamat suleqatigiissitaannut suleqataasarnerit (ICES/NAFO).
  • Pisortanik, naalakkersuinermillu suliaqartunik attuumassuteqartunillu allanik siunnersuisarneq sunullu tamanut tunngatillugu paasissutissiisarnerit.
  • Ilisimatuutut misissuisarneq, piffissap 25%-ia Pinngortitaleriffiup ingerlatassa iluini nammineerluni misissuinissamut saqqummiussinissamullu immikkoortinneqarsimavoq.
  • Ilisimatusarnermik tunngaveqartumik ilinniartitsisarnerit pisarsinnaapput.

Piginnaasat:  Uumasoqatigiiaanik malittarinninnermik inissisimaffiinillu paasiniaanernik misilittagaqarneq; peqassutsinik nalilersuisarnerit siunnersuisarnerillu misilittagaqarfiginissaat aammalu nipi atorlugu aalisagaqassutsinik misissuisarnernik misilittagaqartuuneq; peqassutsinik nalilersuisarnernik qarasaasiamilu naatsorsuutinik atorluni naatsorsuusiornernik suliaqarnermik misilittagaqarneq; qulaani akisussaaffiit suliassallu iluini ilisimatusartarnernik misilittagaqarneq; ilisimatuussutsikkut angusanik paasinnillaqqissuuneq aammalu aqutsisunik siunnersuinermi paasinarsaalluarsinnaaneq.

Naatsorsuutigaarput biologitut ilinniagaqarsimassasutit, kisitsisit atorlugit statistikeritut assigissaatulluunniit ilinniagaqarsimasutit. Iluaqutassaaq ph.d. angoreersimagukku aammalu ilisimatuussutsikkut tunngave­qartumik aalisakkanik malittarinnittarnerni utikattumik misissuisarnernik pilersaarusiornernik ingerlatsi­nernillu misilittagaqareeruit, statistikimik aammalu programmeringimik (SAR, R) ilisimasaqaruit, ilisimatuussutsikkut allaaserisanik saqqummiisarfitsigut aammalu tekniskimik nalunaarusianik saqqummiisareersimaguit kiisalu attaveqatiginnittarnerup tungaatigut avammut ammasuulluaruit iluaqutaassaaq. Pissarsiorpugut inummik nammineersinnaasumik, tunniussimasumik, suliumassusilimmik suleqatikkuminartumillu.

Akissarsiat atorfinitsitaanerlu: Ilanngullugit atorfinikkiartorluni suliunnaarlunilu angalanerit pigisallu nuunneqartarneri, tamakku tamarmik pissapput Kalaallit Nunaanni Namminersorlutik Oqartussat peqatigiiffiullu isumaqatiginninniarsinnaasutitaasup ilaasortaaffigisap isumaqatigiissutaat atorfininnerup nalaani atuttut tunngavigalugit.

Illoqarneq: Atorfimmut tunngatillugu atorfilittut illussaqartitsisoqarsinnaavoq pequsersugaanngitsumik malittarisassat sukkulluunniit atuuttut tunngavigalugit. Ineqarnermut akiliutit qularnaveeqqutitullu siumoortumik akiliutit akilerneqasartassapput illumut atukkiunneqartartumut maleruagassat sukkulluunniit atuttut tunngavigalugit. Atorfilitttut atorfinitsitaanermut ini atukkíunneqartuuvoq, taamaalillunilu  suliunnaarnermi qimanneqartussaalluni. Ineqarnermut akiliutit illullu pitsaassusaat assigiinngiiaarsinnaapput illup qanoq pisoqaatiginera kimillu pigineqarnera apeqqutaatillugit. Atorfininnermi inigilivitassamik pissarsiniartarneq utaqqinarsinnaasarpoq. Taamaattumillu utaqqiisaasumik inissinneqarnissaq hotelitulluunniit inissiamiissinnaaneq utaqqiisigineqarsinnaasarluni, tamannalu akileraarutigineqartarpoq.

Paasissutissat amerlanerusut takuneqarsinnaapput nittartakkami uani www.natur.gl, imaluunnii toqqaannartumik saaffigalugu immikkoortumi pisortaq Helle Siegstad atorlugu telefon +299 361200; e-mail: helle@remove-this.natur.gl

Kingusinnerpaamik qinnuteqarfissaq tassaavoq 1. juli 2018.

 

Qinnuteqaat ”Forsker Afdeling Fisk 2018”-imik ilisarnaaserlugu Pisortaanermut Klaus Nygaard-imut ingerlasussanngortinneqassaaq, soraarummeersimanermut uppernarsaatit, curruculum vitae saqqum­miussimasallu allat naliliinissami ilaatikkusunneqartut assilineri ilanngullugit. Najugaq: Box 570, DK-3900 Nuuk, Greenland. E-mail-erutigineqarsinnaapput uunga: helle@remove-this.natur.gl.

<- Uterit