Aalisarnermut attuumassutillit isumasioqatigiittut

Ingerlatsisut, biologit, aalisarnermillu piginneqatigiit kattuffiillu sinniisaasa peqataaffigisaannik marlunngorneq 11. september Pinngortitaleriffimmi isumasioqatigiittoqarpoq. Tassani eqqartorneqarput pingortitamik siunnersuisarnerit, pisassiissutit aammalu ingerlatsinermi pilersaarusiortarnerit, kiisalu piujuartitsisumik aalisartassagaanni (MSC Marine Stewardship Council) qanoq ingerlatsisoqassanersoq eqqartorneqarput.

Sustainable Fishery Greenland (SFG) ataatsimiinnermik aaqqissuussisuupput. Siulittaasuata Lisbeth Schônemann-Paul-ip ataatsimiinnerup 40-nik peqataaffigineqartup soqutigineqarnerujussua nuannaarutigeqaa. Isumasioqatigiinnermi peqataasut ilisimasaqarnerulersinniarneqarput aalisakkanik qalerualinnillu siunnersuisarnermi periuserineqartartunik saqqummiinikkut taakkualu ingerlatsisut aalajangiinissaannut qanoq toqqammaviliisarnersut eqqartorneqarput.

Gisli Gislason, MSC-p sinniisua aalisarnermi MSC’mik allagartartaassagaanni sumiiffinni ingerlatsiviusuni pisassanik aalajangiinissamut suut aallaavigineqartarnersut, piumasaqaatigineqartarnersut aaqqissuussinissallu pisariaqartarneri pillugit ataatsimiinnermi saqqummiussivoq.

<- Uterit

Helle Siegstad: Pinngortitaleriffik uumassuseqarneq aallaavigalugu siunnersiusarpoq. Ingerlatsisut politierillu tamatuma kingorna pisassat qassiussanersut aalajangiiffigisarpaat.

Lisbeth Schönemann-Paul: Ilisimasaqqortuut taamak amerlatigisut ataatsimiinnermut peqataanerat nuannaarutigeqaara.

Henrik Sandgreen, KNAPK: Ataatsimiinneq soqutiginarteqaara, ingerlaaserli uagut ilisimaqigatsigu ataatsimiinnerit taamaattut pisortatigoortumik ingerlanneqartariaqartut isumaqarpunga.

Sustainable Fisheries Greenland, SFG-pi aaqqissugaanik ataatsimiinneq Pinngortitaleriffimmi ingerlanneqarpoq.

Aalisakkanik nioqqutissiortut, aalisartut, pisortaqarfimmeersut, Pinngortitaleriffimmiittullu ataatsimiinnermut peqataapput.