Aatsitassat qinngornernik ulorianartunik akullit pillugit nalunaarusiaq saqqummiunneqarpoq

Aatsitassanik uranimik akulinnik tunisassiornermi avatangiisinut sunniutaasinnaasunik suliaqarneq

10.01.17

DCE - Nationalt Center for Miljø og Energi, Danmarkimi Avatangiisinik Nukissiuuteqarnermullu Ilisimasaqarfiup Kalaallit Nunaannilu Pinngortitaleriffiup aatsitassanik qinngornernik ulorinartunik akulinnik, passussaqarnermi avatangiisini ajornartorsiutaasinnaasut aaqqiissutaasinnaasullu pillugit sukumiisunik nalunaarusiartik Aatsitassanik suliassaqarfinnut avatangiisinullu aqutsisoqarfimmut tunniuppaat:

Nalunaarusiaq ´Exploitation of radioactive minerals in Greenland, management of environmental issues based on experience from uranium producing countries´ 242-nik qupperneqartoq tuluttut allataasoq kalaallisut qallunaatullu eqikkaanertaqarpoq.

Nalunaarusiaq tunngavilugu Pinngortitaleriffik DCE-lu naatsumik allakkiaqarput, aatsitassanik qinngornernik ulorianartunik akulinnik passussinermi avatangiisinut tunngatillugu nalinginnaasumik ajornartorsiutaasinnaasunik, sunniutaasinnaasut minnerpaaffianiitsinniarlugit qanoq iliuuseqartoqarsinnaaneranik kiisalu ajornartorsiutinik qanoq iliorluni pitsaaliuisoqarsinnaaneranik imalimmik. Allakkiaq kalaallisut qallunaatullu saqqummersinneqarpoq.

Malugeqquneqassaaq Narsap eqqaani Kuannersuarni suliniut nalunaarusiami allakkiamilu sammineqanngimmat.

Nalunaarusiaq uani atuarneqarsinnaavoq: dce2.au.dk/pub/SR200.pdf

Allakkiaq uani atuaruk.

Annertunerusumik paasisaqarumanermi attavissaq:
Josephine Nymand, Avatangiisinut Aatsitassanullu Immikkoortortaqarfik, email: jony@remove-this.natur.gl, oqarasuaat: 361200

Violeta Hansen, Forsker, Radiokemiker, DCE - Nationalt Center for Miljø og Energi, email: viha@remove-this.bios.au.dk , tlf.: (+45) 8715-8663

<- Uterit