Aqutsisunngorallartoq

 

Mie Hylstofte Sichlau Winding ullumi maajip aallaqqaataaniit atuutilersumik Silap Pissusaanik Ilisimatusarfimmi immikkoortortaqarfimmi pisortanngorallassaaq. Mie Hylstofte Sichlau Winding ukiuni tullerni marlunni immikkoortortaqarfimmi pisortaassaaq.

 

Mie Hylstofte Sichlau Winding Silap Pissusianik Ilisimatusarfimmi, Pinngortitaleriffimmut immikkoortortaasumi ukiuni kingullerni pingasuni atorfeqarsimavoq, ilaatigut Zackenbergimi immamut tunngasunut ingerlatamut akisussaasulluni.

 

Malene Juul Simon, Silap Pissusaanik Ilisimatusarfimmi immikkoortortamut pisortaasimagaluartoq ilaqutariinni napparsimasoqarnera pissutigalugu ukiuni marlunni pisortatut sulinngiffeqassaaq, seniorforskeritut atorfeqaannassallunilu Silap Pissusianik Ilisimatusarfiup periusissatut pilersaarutaanut suli akisussaasuulluni Danmarkimi sulissaaq. Mie Winding-ip Malene Simon-ip Silap Pissusianik Ilisimatusarfimmi pisortatut atorfia pisortaagallartutut akisussaaffigissavaa.

<- Uterit

Mie H.S Winding. (Ass. Pinngortitaleriffik)