Nunatta imartaani saattuaqssuseq appasittumiittuarsinnarpoq

20.01.15

Allattoq:  PeMi

Qeqertarsuup Tunuata, Uummannap Sisimiullu eqqaanni saattuaqassuseq suli appasittuarsinnarpoq. Saattuaqassuseq pitsaap tungaanut saatinniarneqassappat, taava pisassiissutigineqartartut suli apparneqartariaqassapput. Pinngortitaleriffiup ukiunut 2015 aamma 16-imut saattuarniarnissat pillugit siunnersuinera taama eqikkarneqarsinnaavoq, taannalu Naalakkersuisunut tunniunneqareerpoq.

Qeqertarsuup Tunuani 2015-imi saattuartarineqartussat 400 tonsit sinnertariaqanngikkaluaraat biologit siunnersuipput, tamannalu siorna innersuussutinut sanilliullugu 200 tonsinik appariarneruvoq. Siunnersuinermut tunngaviuvoq saattuuanik inerissimasunik peqassuseq appariartuinnarmat aammalu saattuaaqqanik siunissami aalisarneqarumaalersussanik taakkussuuttoqarpiannginnera.

Sisimiut eqqaanni sinerissap qanittuanut avataanullu pisassiissutigineqarsinnaasutut innersuussutit allannguuteqanngillat. Avataani saattuarniartarneq suli matoqqagallartineqartariaqaraluarpoq, tamaanimi suli saattuaqarpianngimmat. Sinerissap qanittuanut pisassiissutigineqarsinnaasutut innersuussutit allannguuteqanngillat.

Nuup Paamiullu akornanni saattuaqassuseq aalaakkaasumik inissisimavoq, taamaattumillu innersuussutaasut allannguuteqanngillat. Paamiut eqqaanni sinerissap qanittuanut 200 tonsit avataanullu 1.000 tonsit saattuartassiissutigineqarsinnaasut innersuussutigineqarput.

Pinngortitaleriffiup ilanngullugu innersuussutigaa qaammatit saattuarniarfiusartut marsimiit juulimuusariaqaraluartut, taamaaliornikkut qituttunik qalerualinnik avammut eqqaaginnartarneq ingalassimatinneqarsinnaassagaluarmat. Taamaaliortoqaraluarpammi saattuanik nutaanik siunissami aalisarneqarsinnaalersussanik pilersuineq qulakkeerneqassagaluarpoq, taamaalillunilu atorluaanerusoqalissagaluarluni.

Saattuartassiissutigineqarsinnaasut pillugit siunnersuinerit ukiut allortarlugit pisarput, ukiumoortumillu misissuinertigut malunnaatilimmik allanngortoqarsimaneranik paasisaqartoqarpat siunnersuineq nalimmassarneqarsinnaavoq.

Saattuarniarneq iluanaarutaanerpaavoq 2001-imi, taamani pisat katillugit 1.500 tonsit missaanniimmata. Taamanerniilli pisat ikiliartorsimapput siornalu pisarineqartut katillugit 2.000 tonsit missaanniipput.

 Aqutsiveqarfinni ataasiakkaani 2015 aamma 2016-imut pisassiissutigineqarsinnaasutut innersuussutit.

Aqutsiveqarfik

Siunnersuineq 2015/2016 Sinerissap qanittuani

Siunnersuineq 2015/2016 Avataani

Pisat (tons) 2013 Sinerissap qanittuani

Pisat (tons) 2013 Avataani

Siunnersuineq 2014 Sinerissap qanittuani

Siunnersuineq 2014 Avataani

Upernavik

Siunnersui-soqanngilaq

Siunnersui-soqanngilaq

0

0

Siunnersui-soqanngilaq

Siunnersui-soqanngilaq

Disko Bugt 

400

Siunnersui-soqanngilaq

559

14

600

Siunnersui-soqanngilaq

Sisimiut 

300

Matuneqassaaq

412

51

300

Matuneqassaaq

Maniitsoq

Siunnersui-soqanngilaq

Siunnersui-soqanngilaq

25

38

Siunnersui-soqanngilaq

Siunnersui-soqanngilaq

Nuuk-Paamiut

200

1.000

289

670

200

1.000

Narsaq - Kap Farvel

Siunnersui-soqanngilaq

Siunnersui-soqanngilaq

104

0

Siunnersui-soqanngilaq

Siunnersui-soqanngilaq

Siunnersuineq/Pisat

900

1.000

1.389

773

1.100

1.000

 

 

 Itinerusumik paasisaqarusunnermi saaffigisassaq:

 Ilisimatusartoq AnnDorte Burmeister oqarasuaat 361200 imal. mail: anbu@remove-this.natur.gl

<- Uterit

Asseq: AnnDorte Burmeister, Pinngortitaleriffik.