Nuummi nannuttoqarneranut atatillugu Pinngortitaleriffimmiit NAQQIUT

16.03.16

Allattoq:  PeMi

Miluumasunut Timmissanullu Immikkoortortaqarfimmi pisortaq Fernando Ugarte Sermitsiap nittartagaani 14. marts 2016 issuarneqarpoq, oqarsimaneragaalluni: ”Pinngortitaleriffimmi ilisimatusartup oqaluttuaraa, immaqa amerlanerit ilisimanngikkaluarpaat, oqarasuaatikkut oqaannarluni nannuttassiisoqarsinnaasoq, amerlanertigut sukkasuumik, tamannalu assersuutigalugu 2009-mi pisimavoq”.

 

Matumuuna erseqqissaatigineqassaaq oqarasuaatikkut nannuttassiissuteqarsinnaanermik paasinnissimaneq Fernando Ugarte-p tungaaniit kukkusumik paasinninnerusimammat.

 

Pinngortitaleriffiup suliassaqarfigisai ilisimatusarnermut aammalu siunnersuinernut tunngassuteqartuupput. Pisassiissutinik aaliangersaanerit aammalu pisassiissutit allagartaannik agguassiinerit pisortat ingerlataasa suliassaqarfigisaraat, tamannalu ingerlatsineq pissusissamisoortumik Pinngortitaleriffimmiit akuleruffigineqartussaanani.

 

Pinngortitaleriffiup kukkuneq ajuusaarutigaa.

 

Paasisaqarnerorusunnermi attavigisassaq:

Pinngortitaleriffimmi attaveqatigiinnermut pisortaq, Emma Kristensen, oqarasuaat 361200 imal. email emkr@natur.gl

<- Uterit