Pinngortitaleriffik attaveqatigiinnermut pisortassarsiorpoq

Pinngortitaleriffik attaveqatigiinnermut pisortassarsiorpoq misilittagaqartuumik piaarnerpaamik imaluunniit isumaqatigiissuteqarneq naapertorlugu sulilertussamik.

Akisussaaffiit

Attaveqatigiinnermut pisortap Pinngortitaleriffiup attaveqatigiittarnermut tunngatillugu periusissatut pilersaarutaata ineriartortinneqarnissaa anguniakkanillu piviusunngortitsisarnissat pingaarnertut akisussaaffigai, immikkut suliniuteqarfigisassatut isigineqarpoq Pinngortitaleriffiup aamma aalisartut, piniartut pinngortitamillu atuisuusut allat akornanni attaveqatigiittariaatsit pitsanngorsaaviginissaat.

Atorfinittussap aamma akisussaaffigivaa Pinngortitaleriffiup attaveqatigiittarnermut allattoqarfiani atorfeqartut attaveqatigiinnilerisut, illup avataani inissisimallutik sullissisartut, nutserisartut allallu sulisinneqarnerini aqutsineq. Attaveqatigiinnermut pisortaq Pinngortitaleriffiup pisortaqatigiivini ilaavoq, pisortaanerullu ataani atorfeqartuulluni.

Attaveqatigiinnermut pisortaq eqeersimaartussaaq avammullu ammasuulluni, Pinngortitaleriffiullu inuiaqatigiit akornanni isigineqarnerani malunnaateqartuussalluni. Pisortaq ilisimatusartartut kalaallillu inuiaqatigiit akornanni atassuteqaatitut pingaarutilipilussuarmik inissisimaffeqarpoq.

Attaveqatigiinnermut pisortaq Attaveqatigiinnermut allattoqarfiup ingerlaavartumik suliassarisaanut akisussaasuuvoq.

Suliassat:

  • Attaviginneriaatsinik ineriartortitsineq ingerlatsinerlu, ataatsimeeqatigiissitsisarnerit, isumattorsaqatigiissitsisarnerit kiisalu oqallitsitsisarnerit
  • Paasititsiniaanernik ingerlatitsisarnerit
  • Tusagassiuutinut nalunaarutinik aammalu paasissutissiissutissanik avammut saqqummiunneqartussanik tamanik aqutsineq, suliarinninneq kiisalu pitsaassusiinik qulakkeerinninnerit
  • Suliffeqarfiup nittartagaata kiisalu ukiumoortumik nalunaarsiornissap akisussaaffigineri
  • Tusagassiorfinnut inuiaqatigiinnullu attaveqartarnerit akisussaaffigineri – nunatsinni nunanilu allani.
  • Pinngortitaleriffiup pisortaqatigiivinik sulisuinillu attaveqatigiittarnermut aammalu paasissutissiisarnermut tunngassuteqartuni siunnersuisarnerit.

Piginnaasat:

  • Kalaallisut qallunaatullu assigiissumik qaffasissumillu allannikkut oqalunnikkullu piginnaasaqarnissaq
  • Tuluit oqaasiinik atuisinnaaneq
  • Tusagassiortutut, attaveqatigiinnilerisutut cand. com-itut assigisaannilluunniit ilinniagaqarsimanissaq
  • Aaqqissuulluakkamik suleriaasilik
  • Paasissutissiisarnernik attaveqatigiinnilerinermilluunniit uppernarsarneqarsinnaasumik ukiuni arlalinni misilittagaqartuunissaq
  • Uppernarsarneqarsinnaasumik aqutsinikkut ilisimasaqarneq
  • Suleqatikkuminassutsimik, ammasumik, suliassanik paasinnillaqqissumik minnerunngitsumillu qiimasumik pissusilimmik pissarsiorpugut.

Atorfeqarnermi atugassarititaasut

Akissarsiatigut atorfeqarnermilu atugassarititaasut isumaqatigiissutit imaluunniit immikkut isumaqatigiissusiornikkut inissinneqarsinnaapput, apeqqutaassappulli piginnaasat misilittakkallu.

Atorfimmut atatillugu inissaqartitsisoqanngilaq.

Sukumiinerusumik paasisaqarusunnermi pisortaaneq Klaus H. Nygaard oqarasuaat 361200 imaluunniit e-mail klny@remove-this.natur.gl atorlugu attavigineqarsinnaavoq

               

Qinnuteqaatit ilinniarsimanermik allatigullu paasissutissiilluartumik CV-talerlugu allakkat puuani ilisarnaaserlugu uunga nassiutiguk:

”Attaveqatigiinnermi pisortaq”, Pinngortitaleriffik, Box 570, 3900 Nuuk, imaluunniit e-mail: adm@natur.gl

Qinnuteqarfissaq kingulleq:

15. juni 2018

<- Uterit