Pinngortitaleriffik immami miluumasunik uumasorsiuumik pissarsiorpoq

Pinngortitaleriffiup Miluumasunut Timmissanullu Immikkoortortaqarfia ilisimatusartartussamik uumasorsiuumik, siunnersuinermik, malittarinninnermik, immamilu miluumasunik ukkataqarluni ilisimatusarnermik suliaqartussamik, pissarsiorpoq. Suliat ilangissavaat ornigulluni suliaqarnermut piareersarneq suleqataanerlu, piniartunik suleqateqarneq, paasissutissanik misissuineq, siunnersuutinik oqaasertaliorneq ilisimatusarnermullu atasunik allaaserinninneq.

Akissarsiat sulinermilu atugassarititaasut Namminersorlutik Oqartussat Danmarkimilu akaderimikerit kattuffiata akornanni isumaqatigiissutit naapertorlugit inissinneqassapput. Atorfik inuttassarsiuunneqartoq atorfigivinneqartussaammat inissaqartitaaneq Naalakkersuisunit isumagineqassaaq, ineqarnermilu aalajangersakkat nalinginnaasut naapertorlugit inigineqassalluni.

Atorfik inuttassarsiuunneqartoq Kalaallit Nunaanni Nuummiittuuvoq. Ulloq sulilerfissaq tassaavoq maajip aallaqqaataa 2019, imaluunniit tamatuma kingorna piaarnerpaamik.

Atorfimmut soqutiginnittut inuttassarsiuussineq pillugu allagarsiussaq tamakkiisoq (tuluttuinnaq allagaasoq) uani takusinnaavaat: Jobs

 

Qinnuteqarnissamut ulloq killissarititaasoq tassaavoq: 15. april 2019

 

Pinngortitaleriffik Kalaallit Nunaanni Namminersorlutik Oqartussat pinngortitamik misissuisarfiutigaat. Pinngortitaleriffik ilisimatuussutsikkut misissuisarnerit tunngavigalugit uumassusillit Kalaallit Nunaanniittut eqqaaniittullu piujuartitsiniarnermik tunngaveqartumik iluaqutigineqarnissaat pillugu tunngavissanik katersuisarpoq aammalu avatangiisit uumassusilippassuillu assigiinngisitaartuunissaannik aqqutissiueqataassalluni. Pinngortitaleriffik Nuummiippoq 60-illu missiliorlugit immikkoortortani arfiniliusuni sulisoqarluni: Aalisakkanut Qalerualinnullu Immikkoortortaq, Miluumasunut Timmissanullu Immikkoortortaq, Silap Pissusianik Ilisimatusarfik, Avatangiisinut Aatsitassanullu Immikkoortortaq, Allaffissorneq Attaveqaqatigiinnermullu Allattoqarfik

<- Uterit