Pinngortitaleriffimmi attaveqatigiinnerilerisussamik

 

Nunatta pisuussutaanut uumassulinnut uumaatsunullu tunngassutillit sallerpaanut ilaallutit malinnaaffigerusuppigit? Ilisimatusarnerit silap pissusiata allanngoriartorneranut tunngassutillit malinnaaffigerusuppigit? Kalaallit inuiaqatigiit, ilisimatusartartut silarsuaat naalakkersuinikkullu aaqqissuussaanerup akornanni attaveqaataasinnaavit? Aalisartut, piniartut allallu pisuussutinut uumassusilinnut attuumassutillit qanillugit sulerusussinnaavit? Kajumissuseqaruit, naalakkersuinikkullu pissutsit malinnaaffigalugit, piumassuseqarlutit, kalaallisut, qallunaatut tuluttullu oqaaseqartuullutit, taava illerpiaavoq Pinngortitaleriffiup pisariaqartissinnaasaa.  

Pinngortitaleriffik Kalaallit Nunaata pisuussutit uumassusillit pillugit ilisimatusarfeqarfigaa, pingaarnertullu suliassaralugit 

  • Kalaallit Nunaanni eqqaanilu pisuussutsit uumassusillit piujuartitsinermik tunngaveqartumik iluaqutigineqarnerini, kiisalu avatangiisit uumassusillillu assigiinngisitaarnerisa piujuartinniarneqarnerini ilisimatuussutsikkut tunngavissiuinissaq
  • Pinngortitaleriffiiup suliassaqarfigisaanut tunngassutilinni Namminersorlutik Oqartussanut siunnersuisarnerit
  • Ilisimatusarnernit paasisanik avammut saqqummiussisarnissaq

Pinngortitaleriffik ilisimatusarnerni sulianut sammiveqartinneqartunik sisamanik immikkoortortaqarpoq kiisalu allaffissornikkut immikkoortortaqarluni. Kiisalu attaveqatigiinnermut allattoqarfeqarluni suliffeqarfimmi pisortaqatigiinnut immikkoortortanullu tamanut sullissisussaatitaalluni. Attaveqatigiinnermut allattoqarfiup akisussaaffigai:

  • Pinngortitaleriffik ilisimatusarnernilu suliat pillugit paasissutissiisarnerit
  • Tusagassiorfinnut attaveqarnermi ataqatigiissaarineq
  • Suliffeqarfimmi avammullu ataaveqartarnerni siunnersuisarnerit

Suliassat

Attaveqatigiinnermi suleqataasutut ilaatigut makku suliarisassavatit:

  • Kalaallisut qallunaatullu allatanik tusagassiuutinut nalunaarusiortarnerit aammalu suliffeqarfiup nittartagaani www.natur.gl nutaarsiassiisarnerit
  • Ilisimasanik katersuilluarnermik misissuilluarnermillu tunngaveqartumik kalaallisut qallunaatullu paasissutissiissutinik taaguuteqartinneqartunik ”ILISIMASAT” aammalu ”SAMMISAQ” ilisimatusartartut peqatigalugit suliaqartarnerit aammalu aviisinut allaaserisaqartarnerit quppersagaliortarnerillu (takuuk: www.natur.gl/gl/attaveqatigiinneq/ilisimasat/)
  • Ilisimatusartartut suleqatigalugit naalakkersuinikkut allaffissornikkullu aqutsiveqarfinnit aammalu suleqatigisartakkanit saaffiginnissutinik akissusiortarnerit
  • Pinngortitaleriffiup nittartagaanik ineriartortitseqataaneq
  • Pinngortitaleriffiup aammalu suleqatigisartakkat kalaallisut oqaaseqartut akornanni attaveqaataaneq
  • Pinngortitaleriffiup internet-imi attaveqaqatigiittarfiit nutaaliaanerusut atorneqarnerini akuuniarnissaani periusissanik ineriartortitseqataaneq.

Piginnaasat
Naatsorsuutigaarput tusagassiornermi attaveqatigiinnermulluunniit tunngassutilinni ilinniarsimasuunissat:

  • Allallaqqissuullutillu attaveqatigiinnermut piginnaaneqartuunissat
  • Tusagassiuutilerinermik ajonartorsiorfimmilu periusissanik misilittagaqartuuneq
  • Naalakkersuinermi pissutsinik ilisimasaqarneq, eqqissisimasinnaaneq qunusuissuseqarnerlu
  • Kalaallisut, qallunaatut tuluttullu allalluarsinnaassuseqarneq oqallorissuunerlu
  • Nittartagalerinermi atortunik atuinernik misilittagaqarneq
  • Qarasaasiarsornermik ilisimasaqarneq piginnaasaqarnerlu.

 Akissarsiat atorfinitsitaanermilu atugassarititat
Akissarsianut atorfinitsitaanermullu atugassarititaasut, atorfininnermi soraarnermilu nuunnermi pisinnaatitaaffiit Kalaallit Nunaanni Namminersorlutik Oqartussat qinnuteqartullu kattuffiata akornanni isumaqatigiissutit naapertorlugit aaqqissuunneqassapput.

Sulinermi piffissaq atorneqartartussaq sapaatip akunneranut nalunaaquttap akunneri 40-jupput.


Ineqarneq

Atorfimmut atatillugu inissaqartitsisoqanngilaq.

Itinerusumik paasisaqarusunnermi
Atorfik pillugu sukumiinerusumik paasisaqarusukkuit Attaveqatigiinnermut pisortaq Emma Kristensen oqarasuaat
36 12 00 imaluunniit email emkr@remove-this.natur.gl attavigisinnaavat.

Qinnuteqaat Pinngortitaleriffimmi tigoreerneqassaaq kingusinnerpaamik 8. januar 2018.

Piaarnerpaamik atorfinittoqarsinnaanissaa kissaatigineqarpoq.

<- Uterit