Pinngortitaleriffimmi attaveqatigiinnermi suliaqartussamik pissarsiorpugut

Podcast, video, nittartagaq allakkiallu atorlugit Kalaallit Nunaanni pinngortitami isumalluutit pillugit attaveqatigiinnermik suliaqarusuppit? – isumalluutit uumassusillit aatsitassallu pillugit? Silaannaap pissusaasa allanngoriartornerinik ilisimatuutut misissuineq malinnaaffigalugu? Kalaallit Nunaanni inuiaqatigiit, ilisimatuutut misissuisartut politikikkullu ingerlatsisut akornanni attaveqaataallutit? Aalisartut, piniartut attumassuteqartullu akornanni attaveqaataallutit? Taakku ”aap”-imik akisinnaagukkit, aammalu kalaallisut, qallunaatut tuluttulu oqalussinnaaguit, taava immaqa illerpiaq Pinngortitaleriffiup atorfissaqartippaatit.

Pinngortitaleriffik Kalaallit Nunaanni isumalluutinik uumassusilinnik ilisimatuutut misissuisarfiuvoq. Pinngortitaleriffik sisamanik suliassanik aalajangersimasunik sammisaqarfiusunik immikkoortoqarfeqarpoq allaffissornermullu aamma immikkoortoqarfeqarluni. Taamatullu aamma allatseqarfiup Pinngortitaleriffimmik aqutsisut sullittarpai.

Suliassat

Illit attaveqatigiinnermik suliaqartutut ilaatigut makku suliarisassavatit:

  • Tusagassiorfitsigut nalunaarutissat nutaarsiassallu Pinngortitaleriffiup nittartagaanut  www.natur.gl -imut kalaallisut qallunaatullu allattarlugit
  • Pinngortitaleriffiup paasissutissaataanik postcast imaluunniit video atorlugit nittartakkakkut aamma nittartakkatigut attaveqaqatigiiffinni, tv-kut radiokkulu saqqummiunneqartussanik inerisaaqataasarlutit
  • Misissuiffigeqqissaarneqarsimasut pillugit paasissutissanik kalaallisoortunik qallunaatoortunillu paasissutissiisarfiit soorlu ”OVERBLIK” (takuuk www.natur.gl/kommunikation/overblik/) saqqummiunneqartussanik ilisimatuutut misissuisartut suleqatigalugit allakkiortarlutit, quppersagaaraliortarlutit assigisaannillu suliaqartarlutit
  • Pisortat, politikerit, ilisimatuutullu suliaqartut suleqatigisaasa saaffiginnissutaannut akissutissanik qallunaatut kalaallisullu suliaqaqataasarlutit ilisimatuutut misisuisartut suleqatigalugit
  • Pinngortitaleriffiup nittartagaanik inerisaaqataasarlutit
  • Suleqatigisartakkat kalaallisut oqaasillit Pinngortitaleriffiullu akornanni attaveqaataallutit

Pisinnaasat

Naatsorsuutigaarput tusagassiornerup attaveqatigiinnerulluunniit tungaasigut ilinniagaqarsimasutit aammalu:

  • allakkiornerup attaveqatigiinnerullu tungaasigut pisinnaasaqarluartutit
  • tusagassiornermik ajornartorsiorfiillu aaqqiiiffigisarneri misilittagaqarfigalugit
  • kalaallisut, qallunaatut tuluttullu allaluarsinnaallutillu oqalulluarsinnaasutit
  • tusagassiuutinik aamma digitaliusunik ilisimasaqarluartuusutit
  • illup iluani avammullu attaveqarneq pillugit siunnersuisarneq
  • teknikimik eqarisaqannginneq

Akissarsiat atorfinitsitaanerlu
Akissarsiat atorfinitsitaanermilu atugassarititaasut, ilaatigut suliunnaarnermi angalanissamut pisinnaatitaaneq pigisallu nunneqartarnerat, Kalaallit Nunaanni Namminersorlutik Oqartussat kattuffiullu isumaqatiginninniarsinnaatitaasup akornanni atorfininnerup nalaani atuuttut najoqqutaralugit aaqqinneqassapput.

Sapaatip akunneranut nal. ak. 40-ni sulisoqartassaaq.

Ineqarneq

Atorfimmut atatillugu malittarisassat qaqugukkulluunniit atuuttut naapertorlugit sulisunut inissiamik pequsersorsimanngitsumik innersuussisoqarsinnaavoq. Malittarisassat qaqugukkulluunniit atuuttut naapertorlugit inissiamut innersuussutigineqartumut akiliutit qularnaveeqqutillu akilerneqassapput.
Atorfimmut atatillugu ini atorfeqarnermut tunngavoq atorfeqarnerullu unitsinnerani qimanneqassalluni. Ineqarnermut akiliut aamma inissiap pitsaassusaa nikerarsinnaapput inissiap qanga sananeqarsimanera, piginnittua il.il apeqqutaallutik.Ineqarnermut akiliutit illullu pitsaassusia illup pisoqassusia, piginnittut il.il. apeqqutaallutik assigiinngiiaarsinnaapput.

Atorfilittut ataavartumik illussamik tunineqarnissaq ilaatigut utaqqinarsinnaasarpoq, taamaattumik utaqqiisaasumik najugaqartoqarsinnaasarpoq, ilaatigut najugaqaqatigiiffinni mikisuni hotelitulluunniit inissiaaqqani, taakkulu akilerneqartarput.

Paasissutissat allat
Atorfik pillugu annerusumik paasisaqarusukkuit atassuteqarfigisinnaavat attaveqatigiinnermi pisortaq Else Løvstrøm atorlugu tlf. 361200 imaluunniit e-mail ellm@natur.gl

Qinnuteqaat tiguneqarsimassaaq kingusinnerpaamik 7. December 2018.

Sulilersoqarsinnaavoq piaarnerpaamik imaluunniit isumaqatigiissuteqarnikkut.

<- Uterit