Pupik mamarineqarluartoq Ameralimmeersoq

Frederik Grønvold sunngiffimmini pinngortitamik soqutigisaqartuulluni assigiinngitsunik katersisartoq siornatigut takunikuunngisaminik nassaaratarpoq: pupik qallunaatut atilik Kegle Morkel Ameralimmi sulinngiffeqartilluni nassaarivaa.

- Ukiorparujunni pupinnik katersisarlunga aatsaat takuvunga, Danmarkimi qaqutigoorput, mamarineqarluarmatalu neriniartarfiutilinnit ujarneqakkajuttarlutik, Frederik Grønvold nassaani pillugu oqaluttuarpoq.

Namminerlu ukiut 40-t sinnerlugit pupinnik qaqutigoortunik sumiiffinni assigiinngitsuni nassaartarsimagami junip qulingiluaani nassaarisimasani alutoreqaa.

Ilisimaneqartut nalinginnaanatilli

Pupiilli taamaattut siornatigut nunatsinni takuneqartareeraluarput, ilaatigullu Torbjørn Borgenip atuakkiaani Pupiit Kalaallit Nunaanni eqqaaneqarsimallutik. Ukioq mannali sila pupinnut aalajangersimasunut eqqorluinnartumik atungassaasimanera, kiisami pupiup naalluarsimaneranut, ilisimatusartup pissutaasoraa.

- Pupiit inerittussartaasiviat naassappat avatangiisinik aalajangersimasunik pisariaqartitsisarput. Pupiit assigiinngitsorpassuit, inerittussartaasivimminnik naatitsisinnaaniarunik, nunap annertuumik isugutannissaa pisariaqartippaat, Pinngortitaleriffimmi Avatangiisinut Aatsitassanullu immikkoortortami ilisimatusartoq, Katrine Raundrup nassuiaavoq.

Pupik nassaarineqartoq 9 centimeterimik angitigivoq 5 centimeterimillu silissuseqarluni.

<- Uterit

Asseq: Frederik Grønvold