Qaanaami ilisimatusarnissamut 17,6 millionit tunniunneqartut

Piujuartitsisumik nukissiutaasinnaasumik ilisimatusarluni Qaanaami pilersitsinissamut Pinngortitaleriffik peqataavoq

Aningaasaateqarfik ataqqisaasoq National Science Foundation Qaanaami suliniummut ukiuni sisamani ingerlanneqartussamut 17,6 million kronit nalingannik aningaasaleeqqammerpoq.


Lene Kielsen Holm ilisimatusartartuuvoq, Pinngortitaleriffiup Silap Pissusianik Ilisimatusarfiani, atorfilik, Dartmouthimilu ilisimatusartartut suleqatigalugit Qaanaami suliaqartarsimavoq, kingullermik aasaq 2019-imi taavaniissimallutik.


Videomi ataani link malillugu isiginnaaneqarsinnaasumi takuneqarsinnaavoq Darthmouth Pinngortitaleriffiullu Qaanaarmiut malinnaaffigisussaavaat siunissami piujuartitsisumik nukissiuteqalernissaannut. Silap allanngoriartornerata sunniutai nunap sinneranut sanilliukkaanni Qaanaami malunnarnerujussuusarput, tamaani inuiaqatigiit piniarnermik inuuniuteqaramik immallu sikuata allanngorneranik sunnerneqaramik. Dieselimik orsussanillu allanik pinngitsuuisinnaannginnertik annikillisaaffigineqassasoq Qaanaamiut aamma namminneq kissaatigaat.


Suleqatigiinnikkut nukissiutit piujuartitsinerusut atorneqarsinnaanngornissaat anguniarlugu teknikkikkut aaqqissuussisoqassaaq, aaqqiissutaasullu nunarsuarmi allami atorluarneqarsinnaanissaat siunertarineqarpoq.


National Science Foundation-ip millionilikkaanik Qaanaami ingerlatassamut tapiinera ”Isumassarsiat qulit” ilaattut aningaasaliiffigineqarpoq. Sulinerminnilu toqqammavigisussaavaat issittumi uumassusilerineq, fysik, kemi, inuiaqatigiillu toqqammaviusumik silamik, nunarsuarmilu ataqatigiiaanut allanngueqataasumik ingerlatsiniarnertik taamaalillunilu nunarsuatta aningaasarsiorneranut sillimaniarneranullu annertuumik sunniuteqaqataassallutik.


Suliarineqartussaq pillugu videoliaq uani isiginnaarneqarsinnaavoq:


Dartmouth Engineering Sustainability in Greenland


Annerusumik uani paasisaqarsinnaavusi:


Dartmouth Engineers Partner with Arctic Residents To Bolster Resilience and Sustainability


Annerusumik paasisaqarniaraanni:


Lene Kielsen Holm, ilisimatusartartoq ingerlatamilu aqutsisoq, +299 36 12 18, leho@remove-this.natur.gl

<- Uterit

Hunter Snyder, Joshua Elliot, Lene Kielsen Holm aamma Mary Albert junimi 2019-imi Qaanaami.

Mary Albert, Savfak Kivioq aamma Lene Kielsen Holm.

2019-imi Qaanaami aasaq.