SENIORFORSKERISSARSIORNEQ/ILISIMATUSARTARTUSSARSIORNEQ

Aalisagaqassuseq – Ilusilersuineq – Peqassutsit amerliartortaasii – Peqassutsinik misissuineq

Atorfik pillugu: Pinngortitaleriffimmi Aalisakkanut Qalerualinnullu Immikkoortortaq Kalaallit Nunaanni aalisak­kanik qalerualinnillu peqassutsinik pillugit misissuisarnermik pingaarnerutillugu suliaqartussamik senior­forskeris­sarsiorpoq/ilisimatusartartussarsiorpoq. Aalisarneq Kalaallit Nunaanni inuussutissarsiutini pingaarner­saammat aalisagaqassuseq pillugu nalilersuisarneq siunnersuisarnerlu Kalaallit Nunaanni inuiaqatigiinnut pingaa­rute­qarluinnartuuvoq.

 

Pingaarnerusutigut suliaqarfiusussat:

 

  • Ilisimatusartarneq, peqassutsinillu nalilersuisarnermi misissueriaatsinik nalinginnaasumik ineriartortitsillunilu siunnersuisarnerni nalorninaataasinnaasunik annikillisaaneq.
  • Aalisakkanik qalerualinnillu peqassutsit pillugit paasissutissaatinik misissueqqissaarnerit peqassutsillu pillugit naatsorsuinerit.
  • Aalisakkanik peqassutsit allanngorartaasiinik paasiniaasarnermi atorneqartartunik, tassa uumassuseqatigiiaat pillugit ilutsinik takussutissiarineqatartunik ineriartortitsineq.
  • Aqutsisunik, politikerinik allanillu attuumassuteqartunik siunnersuisarneq kiisalu ilisimatuussutsikkut paasissutissanik tamatigoortumik paasissutissiisarneq.
  • Peqassutsinik nalilersuisarnermut tunngasut pillugit nunat tamalaat akornanni suleqatigiissitaliat ukiumoortumik ataatsimeeqatigiittarnerinut kiisalu ICES-imi/NAFO-milu ataatsimeeqataasarneq.
  • Ilisimatuussutsimik tunngavilimmik ilinniartitsisarsinnaaneq.
  • Akunnerit sulinermut atugassiaasut sisamararterutai immikkoortortap susassaqarfiata iluani nammineq ilsimatusarnermut saqqummiussaqartarnermullu atugassiarineqarput.

 

Piginnaasaqarfiit: Qinnuteqartoq biologiimi amerlassussilerinermut tunngasuni, matematikkimi imaluunniit naatsorsueqqissaarnermi ph.d-qassaaq aalisagaqassuserlu pillugu naatsorsuisarnermi periaatsinik, kiisalu peqassutsit amerliartortaasiannut tunngasunik soqutigisaqartuullunilu sulinikkut misilittagaqartuussaaq. Aqut­si­sunut, atuisunut ilisimatusartartunullu paasissutissanik allakkatigut oqalunnikkullu ingerlatitsillaqqissuunissaq pingaartinneqarpoq. Tamakkua saniatigut qinnuteqartup sulianut ilisimatusarnermut malinnaaviginnit­tarner­nullu tunngassuteqartunut misilittagaqartuunissaa, nunat tamalaat akornanni ilisimatuussutsikkut oqallit­tar­finni peqataasarnikkut misilittagaqarluartuunissaa, oqartussanut siunnersuisarnermik misilittagarnissaa kiisalu ilisimatuussutsikkut atuagassiani saqqummiussaqartarsimanissaa pingaartinneqarput.

 

Seniorforskerimut piumasaqaatit

 

  • Peqassutsit allanngorartaasii peqassutsinillu nalilersuisarnermi tunngavissalimmik ilisimatusarsimaneq, tamatumani aamma amerlassutsit pillugit misissueqqissaarsimaneq ilutsinillu suliaqarsimaneq.
  • Programmilerinermut, matematikkimut naatsorsueqqissaarnermillu suliaqarnermut uppernarsaa­tita­lim­­mik misilittagaqarneq.
  • Paasissutissaatini paasiuminaassinnaasuni amerlassutsinut tunngasunik misissueqqissaarnermik misi­lit­tagaqarneq. 
  • Naatsorsueqqissaarnermut programmelerinermlu oqaatsinik assigiinngitsunik ilisimasaqarneq (pingaar­tu­mik R, aammali SAS/WPS).

 

Forskerimut piumasaqaatit:

 

  • Paasissutissaatinik suliaqarsinnaaneq, tamatumani paasissutissaatit (soorlu Access).
  • Pilersaarusiorsinnaaneq sulianillu malinnaaviginninnermut tunngasunik suliaqarsinnaaneq.
  • Programminik suliaqarnermut misilittagaqarneq, matematikki, naatsorsueqqissaarnernit paasissutissaatinik misissueqqissaarsinnaaneq kiisalu paasissutissaatini annertussutsinik paasiuminaassinnaasunik misissueqqissaarnermik soqutigisaqartuuneq.
  • Naatsorsueqqissaarnissamut piginnaasaqarluarneq, eqaatsumik peqqissaartumillu suleriuseqarneq.

 

Ilinniagaqassuseq il.il.: Naatsorsuutigaarput qinnuteqartoq biologimik, imaani uumassusilerinermik, naat­sorsuuserinermik imaluunniit ingeniørisut assigisaannilluunniit ilinniagaqartuussasoq. Ph-d-nngorsimaneq, imaluunniit kisitsisilerinermik biologimilu amerlassusilerinermik misilittagarneq iluaqutaaginnassapput.

 

Qinnuteqartut pimoorussisuullutik, sungiussiasuullutillu suleqatikkuminartuunissaat kiisalu nunani tamalaani ilisimatusartartut silarsuaanni sulerusussuseqartuunissaat naatsorsuutigaarput. Kalaallit Nunaanni pissutsinut ilisimasaqartuuneq aammalu kalaallit oqaasinik ilisimasaqartuuneq iluaqutaaginnassapput.

 

Akissarsiat atorfinitsitaanermilu atugassarititaasut: Atorfinitsitsisarnermut atatillugu Namminersorlutik Oqartussat atorfinittullu kattuffiata isumaqatigiinniartussaatitaasup akornanni isumaqatigiissutaasut naapertor­lugit atorfininnermi soraarnermilu pigisat ilanngullugit nuunneq suliffeqarfimmit akilerneqartarpoq.

 

Ineqartitaaneq: Inatsisit atuuttut malillugit atorfinitsitsinermut atatillugu pisatsersugaanngitsumik inis­sa­qartitsisoqassaaq. Inissianik attartortitsinermi maleruaqqusat naapertorlugit inissiamik attartortut ineqarner­mut qammaammut akiliuteqartartussaapput, tassunga ilanngullugu initaarnermut atatillugu qularnaveeqqut. Inis­siaq attartugaq atorfeqarnermut atammat atorfigisamit soraarnermi qimanneqassaaq. Inissiamik attar­tornermut akiliut inissiap pisoqaassusaa, pitsaassusaa, inissiamik piginnittut il.il. naapertorlugit annertus­suse­qartarpoq. Inigisassavimmut iserternissap tungaanut utaqqiisaasumik inissiaqartitsisoqartarpoq (akile­raaru­taasumik) - imaluunniit inissiani sulisut ataatsimoorlutik ineqarfigisaanni akunnittarfiilluunniit inissiaa­taanni najugaqarallartitsisoqartarluni.

 

Pinngortitaleriffik pillugu paasisaqarnerorusuttunut paasissutissat suliffeqarfiup nittartagaani uaniipput: www.natur.gl  imaluunniit immikkoortortami pisortamut toqqaannartumik paasiniaasoqarsinnaavoq: Helle Siegstad, oqarasuaat +299 361200, e-mail:  helle@natur.gl

 

Ulloq qinnuteqarfissaq kingulleq 11. november 2019

 

Qinnuteqarneq: Qinnuteqaat qulequtserneqassaaq ’Stillingsopslag seniorforsker/forsker FiSk’ tassunga ilan­ngun­neqas­sapput soraarummeersimanernut allagartat, curriculum vitai saqqummersitallu attuumas­sute­qartut il.il. qinnuteqartumik nalilersuinermi atorneqartussat.

 

Qinnuteqaat pisortamut Klaus Nygaardimut nassiunneqassaaq uunga: Box 570, DK-3900 Nuuk, Kalaallit Nunaat. Aamma e-mailikkut nassiunneqarsinnaavoq uunga: helle@natur.gl.

 

Pinngortitaleriffik pinngortitamik qitiusumik ilisimatusarfiuvoq Kalaallit Nunaanni Namminersorlutik Oqartussanit pigineqartoq. Pinngortitaleriffik ilisimatusarnermit paasisat tunngavigalugit Kalaallit Nunaanni eqqaanilu pisuussutinik uumassusilinnik atuinerup piujuaannartitsinermik tunngavilimmik ingerlanneqar­nissaanut, avatangiisinik uumassusillillu assigiinngisitaartuarnissaannik qularnaarinninnissamut aqqutissiue­qataasussaavoq. Pinngortitaleriffik Nuummiittoq Kalaallit Nunaanni pisuussutinut uumassusilinnut tunngatillugu apeqqutini Namminersorlutik Oqartussanut siunnersuisartutut atuuffeqartoq 67-it missaanni sulisoqarpoq.

 

 

 

 

 

 

<- Uterit