Tunup imartaani qilalukkanik qaqortanik naammattuuisarnerit

13.06.16

Allattoq:  PeMi

Tunup imartaani qilalukkanik qaqortanik ukiuni kingulliunerusuni takusoqartalersimavoq. Tamanna nutaajuvoq, tassami ukiuni siusinnerusuni qaqutigorsuaannaq qilalukkat qaqortat tappavani naammattoorneqartarsimammata. Siusinnerusukkut nalinginnaasumik isumaavoq Tunup imartaani immikkoortunik qilalukkanik qaqortaqatigiinnik peqanngitsoq.

Taamaattumik Pinngortitaleriffimmiit soqutigisupilussuuarput Tunup imartaani qilalukkanik qaqortanik naammattuuisarnernut tunngassuteqartunik ilisimatinneqartarnissaq. Assersuutigalugu qassutini qilalukkamik qaqortamik pisaqartoorsimagaanni tassanngaanneersumit misissugassanik Pinngortitaleriffimmiit pissarserusuttorujussuussaagut (soorlu isai, kigutai mattamernganeersunillu). Misissukkanik taama ittunik iluaquteqarluni paasiniarneqarsinnaassaaq qilalukkap qaqortap pisarineqartup suminngaanneernera. Ilisimanarnerpaajuvoq immaqa Svalbardiminngaarneersuunissaat, tappavanimi qilalukkat qaqortaqatigeeqarpoq amerliartortunik – ilumulli taamaassinnaanera uppernarsaasimatigani oqaatigiuminaappoq.

Tunup imartaani qilalukkat qaqortarniartarnerit siunissami ammaanneqassagaluarpata, taava Pinngortitaleriffimmiit ilisimasariaqarparput qilalukkat qaqortat takuneqartartut qilalugaqatigiinnut sorlernut atasuunerat aammalu qanoq akulikitsigisumik qaqortanik takusoqartarnera aammalu qanoq amerlatigisut takuneqartarnerat paasissallugit pingaaruteqarpoq. Pinngortitaleriffimmeersut aasarmanna 2016 aammalu aappaagu 2017-imi arfernik kisitsinernik ingerlataqartussaapput, soorunalimi aamma qilalukkanik qaqortanik takunninniarnermut isivut ammatilluarumaarpagut.

 

Itinerusumik paasisaqarusunnermi saaffigisassaq:
Pinngortitaleriffimmi Professori Mads Peter Heide-Jørgensen oqarasuaat +45 21833827 imal. email: mhj@ghsdk.dk

<- Uterit

Asseq: Mads Peter Heide-Jørgensen.