Takorluugaq ingerlatseriaaserlu

Takorluugaq

  • Kalaallit Nunaanni ilisimasanik katersuiffiunissaq, Kalaallit Nunaanni Namminersorlutik Oqartussanut Kalaallit Nunaanni avatangiisit pinngortitarlu pillugit aatsitassarsiornermut attuumassuteqartutigut pingaarnertut siunnersuisartuulluni.
  • Issittuni ajornartorsiutit avatangiisinik misissuinermut attuumassutillit pillugit silarsuarmi akuerisaasumik siunnersuisarfiunissaq.
  • Issittuni ajornartorsiutit avatangiisinut attuumassutillit pillugit bachelor-itut masteritullu qaffasissusilimmik pikkorissasinnaanissaq.

Ingerlatseriaaseq

Kalaallit Nunaanni Namminersorlutik Oqartussat aamma DCE - Nationalt Center for Miljø og Energi, Aarhus Universitet, Pinngortitaleriffiup DCE-llu aatsitassat tungaasigut siunnersuisarnerat pillugu siunissami suliassanik avitseqatigiittarnissaq pillugu 2014-mi nutaamik pingasuussamik isumaqatigiissuteqarput. Isumaqatigiissut Pinngortitaleriffiup siunissaq ungasissoq eqqarsaatigalugu pisinnaasanik annertuunik nuutsiigineqatarnissaanik imaqarpoq.

Pinngortitaleriffik suliassanik suli annertunerusunik tigusisarnissaq eqqarsaatigalugu piffissarlu isumaqatigiissuteqarfiusoq naatinnagu akisussaaffimmik pingaarnerusumik tigusisinnaanngornissaq eqqarsaatigalugu Pinngortitaleriffiup DCE-llu aatsitassat tungaasigut siunnersuisarnermi suliassanik avitseqatigiittarnissaat pillugu erseqqissunik pilersaarusiorsimavoq. Siunissaq ungasissoq eqqarsaatigalugu pisinnaasanik annertuumik Pinngortitaleriffimmut nussuinissaq isumaqatigiissummut ilaavoq.

Suliassat amerlanerusut isumagisarnissaat eqqarsaatigalugu Pinngortitaleriffiup pisinnaasanik inerisaajuarnissaq aalajangiusimavaa piffissallu ingerlatseriaaseqarfiusup naanissaata tungaanut tamanna akisussaaffigissallugu.

Nutartigaq 18.11.2014