Miluumasunut Timmissanullu

Immikkoortortaqarfimmi Pinngortitaleriffiup uumasunik miluumasunik imarmiunik nunamiunillu, timmissanik naasunillu atuinermi ilisimatuussutsikkut siunnersuisarneri suliarineqartarput.
Immikkoortortaqarfimmi uumasoqatigiinnik inuiaqatigiinnut pingaaruteqartunik pingaarnertut suliaqartarpoq, aningaasalli killeqarneri pissutigalugit uumasoqatigiit atorneqartut tamaasa pillugit ingerlaavartumik misissuisoqarsinnaanngilaq.

Ukiuni kingulliunerusuni sulineq

Ukiuni kingulliunerusni sulineq qilalukkanut qaqortanut qernertanullu, arfernut angisuunut, aarrinut, natsersuarnut, aataanut, tuttunut, umimmannut, appanut, taateraanut, miternut nalinginnaasunut imeqqutaallanullu sammitinneqarpoq.

Tamatuma saniatigut uumasoqatigiit killilersugaanngitsut pillugit avatangiisilli eqqarsaatigalugit nalinginnaasumik aqutsinermut tunngasut pillugit Namminersornerullutik Oqartussanut immikkoortortaqarfimmit siunnersuisoqartarpoq ikiuuttoqartarlunilu, soorlu nunat tamalaat akornanni isumaqatigiissutit ilaannut tunngatillugu Kalaallit Nunaata akisussaaffii aamma Kalaallit Nunaanni uumasut naasullu qanoq ittuuneri malillugit nalunaarsuinerit. Immikkoortortaqarfimmi arlalinnik suliaqartoqartarpoq.

Utoqqaassusiliinerit, meqqilersuinerit, nakkutilliineq

Tamakku ilaatigut tassaapput puisit, qilalukkat qaqortat qernertallu aamma tuttut kigutaat aallaavigalugit utoqqaassusiilinerit, timmissat timimikkut qasujaassusaannik naliliinerit, paasissutissanik qarasaasiamut ikkuissinerit, uumasoqassutsinit misiligutissatut tigusanik suliaqarnerit, piniartut pisaasa amerlassusaannik misissueqqissaarinerit, meeqqilersuinerit uumasoqassutsinillu misiligutissanik tigooqqaanerit kiisalu aalajangersimasumik nakkutilliinissanik pilersaarusiornerit piviusunngortitsinerillu.

Ilisimatussutsikkut ilanngutassiat nunanilu tamalaani ataatsimiinnerit

Tamatuma saniatigut immikkoortortaqarfimmit ilisimatusaatinik nutaanik, nalunaarusiornernik, ataatsimiinnernit paasissutissanik, ilisimatuussutsikkut ilanngutassianik siunnersuinernillu ingerlaavartumik pilersaarusiortoqartarpoq suliaqartoqartarlunilu kiisalu nunani tamalaani ilisimatuussutsikkut ataatsimiinnernut peqataasoqartarluni.

Piniartunik suleqateqarneq pingaartinneqarpoq

Misissuinerit ilaat illoqarfinni nunaqarfinnilu piniartut piniarfinnillu nakkutilliisut suleqatigalugit ingerlanneqartarput. Taamaalilluni Pinngortitaleriffik illoqarfinni nunaqarfinnilu piniartunik isumaqatgiissuteqarsimavoq, taamaalillutik tamakku sumiiffinni arlalinni meqqit, tuttut, umimmaat puisillu erniorneri pillugit atortussanik paasissutissanillu katersisarput. Aamma natsersuarnik qilalukkanillu qernertanik qaammataasakkut malinnaanerit illoqarfinni nunaqarfinnilu piniartut qanimut suleqatigalugit ingerlanneqartarput.
Piniartut paasissutissaataat Pinngortitaleriffiup siunnersuisarneranut tunngaviupput. Pinngortitaleriffimmi taamatut suleqatigiinnerup ingerlaavartumik annertusarneqarnissaa sulissutigineqarpoq kiisalu piniartut biologillu akornanni paarlaasseqatigiinnerit ilisimasallu annertusarneqartuarput. Tamanna ilaatigut suliat aallartinneqarsimasut pillugit illoqarfinni nunaqarfinnilu piniartunik toqqaannartumik attaveqarnerunikkut pisarpoq.

Suliat tikillugit sulinerit soqutigisaqaqatigiinnillu ataatsimeeqateqartarneq

Tamatuma saniatigut sulisut illoqarfinni suliat tikillugit sulinernut tunngatillugu illoqarfinni soqutigisaqaqatigiinnik ataatsimeeqateqarnissaq tamakkununngalu tunngatillugu isumasioqatigiinnut assigisaannullu peqataanissaat pingaartippaat.

Suleqatit

Immikkoortortaqarfiup Attaveqarnermut Avatangiisinulli Naalakkersuisoqarfik aamma Aalisarnermut, Piniarnermullu Nunalerinermullu Naalakkersuisoqarfik suleqatigaat, aammalu DMU-mik, Ilisimatusarfiit ilaannik aamma nunani allani ilisimatusarnikkut suliaqartunik qanimut attaveqarluni.

Ilisimatuussutsikkut nunani tamalaaneersunit suleqateqarneq siunnersuisarneq pillugu

Sulisut miluumasunik timmissanillu immikkoortortaqarfiup suliarisaanut ilisimatusarneq siunnersuisarnerlu pillugit nunani tamalaani ilisimatusarnikkut sulinernut peqataapput. Immikkoortortaqarfik nunani tamalaani ilisimatusarnermik suliaqartunut tullinnguuttunut makkununnga suleqataatitaqarpoq:

  • North Atlantic Marine Mammal Commission, NAMMCO
  • CAFF Circumpolar Seabird Working Group, se også CSWG
  • CSWG (Circumpolar Seabird Working Group)
  • CARMA (CircumArctic Rangifer Monitoring and Assessment network)
  • CITES - international handel med udryddelsestruede vilde dyr og planter
  • JCCM (Joint Commission on Conservation and Management of Narwhal and Beluga)
  • Joint Commission on Conservation and Management of Narwhal and Beluga, JCNB
  • ICES/NAFO arbejdsgruppe vedrørende grønlandssæl og klapmyds
  • IUCN Polar Bear Specialist Group
  • IUCN Seal Specialist Group
  • IWC (International Whaling Commission)
  • IUCN (International Union for Conservation of Nature)
  • NAMMCO (North Atlantic Marine Mammal Commission)
  • Nordic Council for Reindeer Husbandry Research
  • WITS (Walrus International Technical and Scientific Commitee)
Attavissaq Fernando Ugarte
Tlf:
+299 361242
Email:
feug@remove-this.natur.gl
Nutartigaq 26.10.2015

Nutaarsiassat kingulliit:

09.09.2016

Nunatta kujataani appat 2014-imi perlerlutik toqoraannarsimapput

Nunatta kujataani appat toqoraannarsimasorpassuit 2014-imi nassaarineqartut perlerlutik...

29.08.2016

Piujuartitsiniarluni nalunaarusiortarnerit Pinngortitaleriffimmit nutaamik aaqqiivigineqarput

Kalaallit Nunaata kitaaneersunit tikaagullinnik qilalukkanillu qaqortanik...

01.07.2016

Pinngortitaleriffik ukiamut killeqanngitsumik tuttunniartitsisoqarnissaanik innersuussivoq

Tuttunniarfik aajunaralaannguanngorpoq. Pinngortitaleriffimmit Kalaallit Nunaanni tuttoqarfinni...

18.06.2016

Appat pillugit ”ILISIMASAT” nutaaq

Nunatsinni appat ineqarfippassui ikiliartorfioqisut appaarunnissamit annaanneqassappata...

Nutaasiassat tamaasa takukkit
Humpback Whale.
Qipoqqaq. Ass.: Fernando Ugarte.
Instrumenting Walrus.
Hvalros for en satellitsender. Ass.: Carsten Egevang.
Recapturing Sabines Gull.
Fangst af sabiemåge Ass.: Carsten Egevang.