Qipoqqarnik ilisarsiniarneq

Qipoqqaat sarpii immikkut tamarmik ilisarnaateqarput. Nuup Kangerlua. Ass.: Tenna Boye
Qipoqqaat sarpii immikkut tamarmik ilisarnaateqarput. Nuup Kangerlua. Ass.: Tenna Boye
Sarpiit tamarmik assigiinngitsuupput. Qipoqqaq Nuup Kangerluani. Ass.: Carsten Egevang
Sarpiit tamarmik assigiinngitsuupput. Qipoqqaq Nuup Kangerluani. Ass.: Carsten Egevang
Arfeq nr. 9 Nuup kangerluani aalajaallutik takkuttuartartut ilagivaat. Siullermik 1992-imi assilineqarpoq, taamanili kangerlummi takullattaarneqartarpoq. Ass.: Tenna Boye
Arfeq nr. 9 Nuup kangerluani aalajaallutik takkuttuartartut ilagivaat. Siullermik 1992-imi assilineqarpoq, taamanili kangerlummi takullattaarneqartarpoq. Ass.: Tenna Boye

Pinngortitaleriffimmi ilisimatusartut qipoqqaat sarpiisa ataa´tungaasa assitaannik ilisimartusarnernut atugassanik pissarsiorput.

Qipoqqaat sarpiisa ataa´tungaat inussatta ipaasaattulli immikkuullaritsigaat, tamakkulu qipoqqarnik ataasiakkaanik ilisarsiniarnernut atorneqarsinnaapput. Qipoqqaat nunatta imartaanukartartut pillugit Pinngortitaleriffimmi katalogiliortoqalerpoq. Ilaatigut qipoqqaat taakkorpiaanersut nunatta imartaanut aalajangersimasunut ukiut tamaasa utertarnersut paasiniarlugit. Misissuinissanut atugassanik qipoqqaat sarpiisa ataat´tungaasa assitaannik sapinngisamik amerlanerpaanik nunatsinnit tamarmeersunik Pinngortitaleriffimmi atorfissaqartitsisoqarpoq.

Paasissutissat tullinnguuttut uku ilanngullugit qipoqqarnik assilisasi nassiussigit:

  • Qanga assilisaanersoq - ulloq
  • Sumi (sumiiffiup taaguutaa/sumiiffik)
  • Sumiissuseq eqqoqqissaartoq – tamanna pillugu paasissutissaateqaruit
  • Atit, najugarisaq oqarasuaativillu normua.

    Assit tamarmik – aamma negativit - atorneqarsinnaapput. Assit ilisimatusarnerinnarmut atorneqassapput. Assit piffissaq sumiiffillu pillugit paasissutissartallit e-mailikkut nassiunneqarsinnaapput; pukkelhval@remove-this.natur.gl allakkatigulluunniit uunga nassiunneqarsinnaallutik:

Tenna Boye / Malene Simon
Pinngortitaleriffik - Grønlands Naturinstitut
P.O. Boks 570
3900 Nuuk

Imatut ilisarnaaserlugu: ”Qipoqqaq”

Assinik nassitsisut qipoqqaq pillugu paasissutissanik nassinneqassapput.

Ilisarsiniarneq pillugu pilersaarummik paasisaqarnerujumagaanni takusassaq:

Ilisimatusartut arferit immikkoortillugit ilisarisinnaavaat – NuukTV-mi pingasunngornermi 2012-imi juunip ulluisa 13-ani ilanngutassiaq:
Kitaata imartaa 3000-inik qipoqqaqarpoq, kisianni qanoq amerlatigisut Nuup Kangerlua neriniarfigisarpaat? Tamanna Pinngortitaleriffimmi paasiniarneqarniarpoq. 19.15-imiillu peqataavugut.

 

 

Nutartigaq 29.06.2017