Uumasut iloqissersimasut

Uuma natsip isai "cleft eye" taaneqartarput, tassa imaappoq isai naqitsineqarpallaarput aseruuttoorneqarlutillu, tamatuma ersersippaa una puisi sukkornermik nappaateqartoq. Assiliisoq: Kornelius Thorleifsen, Upernavik Kujalleq
Qilalukkap qernertap niaqua marlunnik tuugaalik, Qaanaami. Assiliisoq: Aqqalu Rosing-Asvid

21.10.11

Avannaarsuani uumasut iloqissersimasut soqutigineqarnerannut atatillugu Danmarks Miljøundersøgelser Arktisk Afdeling aamma Pinngortitaleriffik nappaatinut nalinginnaasunut ajoqutinullu piniakkaniittartunut assigiinngitsunut tunngatillugu assiliartalimmik nassuiaatitalimmillu nalunaarusiorsimapput.

Nalunaarusiaq kalaallitsut qallunaatullu oqaasertalik uani aaneqarsinnaavoq:

Kalaallit Nunaanni piniagassat ajoqutillit aamma nappaataat, kiisalupissutaasinnaasut Qitiutillugu: Avanersuaq

Uumasumik nassaaruit pisaqaruilluunniit nalunaarumiinngitsumik iloqiaassutilimmik, taava Pinngortitaleriffik mailikkut telefonikkulluunniit attavigiuk sapinngisamik sukumiisumik nassuiaaserlugu ajornanngippallu assiliartalerlugu allagisaq takussutissartalerlugu. Uumasup ilaa qanoq angitigisoq misissuinermi pisariaqartinneqarnersoq oqaloqatigeqqaartinnata nassiutissanngilat. Pinngortitaleriffiup nassiussineq akilissavaa uumsoq taassumaluunniit ilamerna Pinngortitaleriffimmut nassiunneqassappat, Pinngortitaleriffiullu uumasup ajoqutaata suunneranik suusinnaaneranilluunniit ilisimatikkumaarpaatit, ajoqutaa paasineqassagaluarpat.

Assilissat nassuiaatillu e-mailikkut nassiussinnaavatit uunga: aqqalu@remove-this.natur.gl assilineralu uunga: pehe@remove-this.natur.gl aamma telefonikkut saaffiginnissinnaavat Peter Hegelund (361244). Taanna peqassanngikkaluarpat sianerfigisinnaavat Aqqalu Rosing-Asvid (361247).

Saniatigut paasissutissat piniagassat nerisassallu pinngortitami toqunartoqarsinnaanerinut uumasuaqqallu aammik milluaasartunik (parasitter) peqarsinnaanerinik oqaluttuartut Paarisap hjemmesideanit aaneqarsinnaapput:

Nutartigaq 26.10.2015