Nunneriarnissamut periarfissaqanngilaq. Tunup avannaarsuanit nalunaarut 12

11.04.12

“Zackenbergimut nunninnissamut periarfissaqanngilaq.” 

Tassaavoq Islandimi kalerriut pissarsiarisarput Kalaallit Nunaata Kangiata Avannaarsuani Zackenbergimut ingerlaartilluta tappavaniinitsinni, ukiuunerani  ilisimatusarnikkut suliat nunamut tunngasortaanik suliaqariartornitsinni, Arctic Research Centrerip (ARC) Aarhus Universitetimi angerlarsimaffeqartup aammalu Issittumi Ilisimatusarnikkut Suleqatigiiffimmi (Arctic Science Partnership (ASP))-imut peqatitta Kalaallit Nunaanni Silap Pissusianik Ilisimatusarfimmit University of Manitobamillu (Canada) peqataaffigineqartoq. 

Ernumassanngilasili. Taamatummi nalinginnaasumik pissutsit tunngaviusut malillugit kalerrinneqarnerup imaliallaannaq unitsinnaviarunanngikkaatigut. Ippassaq ilisimatusartunit 14-iusunit siulliulluta ippassaq Daneborgimut tikippugut, kingornalu qamuteralannik Zackenbergimut apuussimalluta. Angalaneq pissanganartoq aammalu taamatut angalalluni aallartinneq issersuarmik malugititsisoq  ukiorisseruttornerani ilisimatusarluni sulinissamut.

Sapaatillu akunneri pingasut tulliuttut Zackenbergimi ilisimatusarnissarput assigiinngitsunik arlalinnik pilersaaruteqarfiusoq ingerlanneqassaaq, eqikkarlugu naatsumik ilaatigut siunertarineqarpoq  nunami uumassusileqatigiiaat taamatullu imermi uumassusileqatigiiaat taamatut ukiorisseruttornerata sunnertarnerai qanorlu ingerlariaqqittarnernersut,  gassillu ingerlaarnerisa qanoq issusaat misissussallugu, taamaalillutalu aasaanerani misissukkatsinnut saniulliunnissaat. Tamakku saniaatigut ilisimatuut immikkoortut marluiit misissussavaat tamaani sermit, taakkulu ukiut tamangajaasa Zackenbergimi kuummik qarsutsisitsisarnerat imminnut attuummassuteqarnersoq paasiniassallugu.

Ullumikkut uagut ilisimatuut marluulluta misissorlugu aallartipparput umimmaat maani Central Valleymiittut, Zackenbergemi misissuiviup eqqaaniittut qanoq agguataarsimanerat. Maani ukiup naajartulernerani umimmaat siammariartortarnerat aputip qanoq inneranik aqunneqartutut ippoq. Ukioq manna aperujussuarsimanerata kingunerisaanik amerlanerit aputeqannginnersani, taamaattorli naasoqarpinngitsuni qatsissuni siammarsimapput. Qularutissaanngilarli aput aattulerpat upernarlunilu aasalerpat taakku naasortuumasorsuit qaqqap qoorortaanut naggorinnersumut appartilerumaartut, tamannami taamaalinerani naggorittaqimmat.

Ulluni tulliuttuni suliassarissavarput umimmaat neriniarfianni tamatumalu avataani aputip issussusiata uuttortarnissaa.Tamakku uuttortaanerit atorlugit, sukumiisumik ersarissumillu aputip qanoq umimmaat taakkulu neriniarfiinut sunniuteqartiginerat paasisinnaalissavarput.

Tamakku paasisagut aasap ingerlanerani paasisatsinnut ataqatigiissinnissaannut periarfissiissapput, tassaasunik naasut piffissami killilimmi naasartut gassillu silaannarmik kissatsitsisartut ukiup ingerlanerani allanngorartunut qanoq sunniuteqarnersut, aammalu ivigartortut nunamilu uumasuaqqat tappiorannartut imminnnut qanoq attuumaqatigiinnerannut.  

Zackenberg, apriilip 10-at 2012

Mads C. Forchhammer

Professori

 

Uani Kalaallit-Canadamiut-Danskillu ilisimatusarnikkut nutaamik suleqatigiillutik misissuinerat siulleq pillugu paasisaqarnerugit.

<- Uterit