Avatangiisit

Pinngortitaleriffik Nuummiittoq mittarfiup Nuussuullu akornanni kusanarluinnartumik inissisimavoq. Ass.: Carsten Egevang
Sanilequtaq Pinngortitaleriffiup eqqaaniittoq 2000-mi atulerpoq.
Misissuisarfik Nuummiittoq Pinngortitaleriffiup pisortaata atorfilittut illugivaa ilinniartunullu initaqarluni.
Niaqornani misissuisarfeqarpoq. Ass.: Erik W. Born

Illu pingaarneq

Illu pingaarneq 2.000 kvm-inik angissusilik 1998-imi atoqqaarfissiortinneqarpoq. Suliffeqarfiup ingerlatinneqarneranut atortorissaarutit pisariaqartitat tassaniipput allaffiit, laboratoriat, qerititsivik, toqqorsivik, atuagaateqarfik aammalu ataatsimiittarfiit.

2008-mi Pinngortitaleriffiup allissutissaa 820 kvm-inik angissusilik sanaartorlugu aallartinneqarpoq, Aage V. Jensens Fondit akiliineratigut. Alliliinermi laboratoriat, allaffiit, toqqorsiviillu il.il. allat sullivinnut 25-nik amerlissutissat naammassineqassapput. Alliliineq aasaq 2010-mi naammassissasoq pilersaarutigineqarpoq.

Illu pingaarneq pillugu paasissutissat allat atuakkit.

Illu allissut pillugu paasissutissat allat atuakkit.

Pinngortitaleriffik ilisimatusartunut atortorissaarpoq

Pinngortitaleriffiup anneksia angisuumik ataatsimiittarfeqarpoq. Anneksimiipputtaaq garagea, inissiat 5-it, ineeqqallu 8-t ilisimatusariarlutik tikeraartut attartortagaat. Anneksi 2000-mi atoqqaarfissiortinneqarpoq 850 kvm-inillu angissuseqarluni.

Anneksi Pinngortitaleriffiup suliaanut tikeraarlutik ilisimatusariartunut ineqarnerup tungaatigut periarfissiilluarpoq. Anneksi Pinngortitaleriffittut Aage V. Jensenip Fondiinit aningaasaligaavoq, illulu pingaarneq sananeqaatimigut assigalugu marlunnik quleriittaqarluni.

Biologstationi

Pinngortitaleriffiuttaaq illutigaa Biologstationi Nuummiittoq. Taanna siusinnerusukkut laboratoriatut, toqqorsivittut aammalu biologinut Kalaallit Nunaanni aalisakkanik misissuillutik angalasunut akunnittarfittut atorneqarpoq. Maannakkut illu Pinngortitaleriffiup pisortaata angerlarsimaffiatut atorneqarpoq, saniatigullu illup ilaani tikeraanut inissiaqarluni taakkulu biologinut suliffimminnut atatillugu angalallutik aqqusaartunut kiisalu allaaserisamik specialiliortunut Ph D-mullu atatillugu ilisimatusarlutik Pinngortitaleriffimmiittunut atugassanngorlugit suliarineqarsimapput.

Kangerluarsunnguami Nuup eqqaani illu misissuiffik

NuukBasic'imut tunngatillugu Kangerluarsunnguami misissuinermut tunngatillugu illuliortoqarpoq aasaq 2009 naammassisimasussamik.

Paasisaqarnerusukkuit uani atuarit illu misissuiffik

Niaqornani illu misissuiffik

1. november 2007 Pinngortitaleriffiup Niaqornani Uummannap pigisaani illu type Illorput 82 aaqqissuuteriarlugu illu misissuiffik najugaqarfiutigisinnaasoq atoqqaartippaa.

Biologit Niaqornat allaavigalugit piniakkat avatangiisillu piffissami sivisunnerusumi misissuiffigisinnaalerpaat. Pinngortitaleriffiuttaaq piniartut biologillu suleqatigiinnerulersinnaanerat neriuutigaa, aammalu biologit suleriaasiinut piniartullu atugaannut paasinninneq annertunerulerumaartoq.

Umiarsuit angallateeqqallu minnerit

Pinngortitaleriffik marlunnik umiarsuaateqarpoq, R/V Sanna aamma R/V Pâmiut. Taakku nunap qanittuani avataanilu ilisimatuussutsikkut misissuinernut atorneqartarput. Sanna Nuummi angerlarsimaffeqarluni aallaaveqarpoq, Paamiut ukiaanerani Danmarkimi amoqqasarluni.

Uani umiarsuit angallatillu minnerit pillugit atuarit.

Nutartigaq 09.11.2012
123porn.me