Umiarsuit

"Pâmiut". Ass: Pinngortitaleriffik
Paamiut. Ass: Henrik Lund
Umiarsuaq nutaaq Karstens Skibsværftimi Skagenimi sananeqarpoq. 2012-mi imarmut aqqarneqarpoq, Nuummullu 3. april tikilluni. Ass.: Josephine Nymand
Umiarsuaq nutaaq Karstensens skibsværftimi Skagenimiittumi sananeqartoq. Ass: Thomas Juul-Pedersen
"Avataq". Ass: Carl Isaksen
Aage V. Jensen I. Ass: Lars Maltha Rasmussen
"Aage V. Jensen I". Ass: Lars Maltha Rasmussen

Pinngortitaleriffik marlunnik umiarsuaateqarpoq

R/V Pâmiut

(1971-mi sanaaq, 1084 GT) annermik avataani raajanik, qaleralinnik, assagiarsunnik kiisalu aalisakkanik itisoormiunik misissuinermut atorneqartarpoq. Umiarsuaq kilisaataavoq masattunik panertunillu misissuisarfeqarluni kiisalu qarasaasiaqarluni, immamik misissuinermi atortorissaaruteqarluni aammalu misissugassanik tigooraanermut tamakkuninngalu passussinermut naleqquttunik atortorissaaruteqarluni. ”Paamiut” aalisakkat ataatsimut iluaqutigineqartut Canadamiunit misissuiffigineqarneranni attartorneqallattaasarpoq.

Umiarsuaq nutaaq

(2012-mi naammassisussaq, 456 GT) sinerissamut qanittumi qaleralinnik, assagiarsunnik saarullinnillu misissuinermut annermik atorneqartarpoq kiisalu avatangiisinik misissuinermut atatillugu misissugassanik katersuinermut atorneqartarluni. 2010-mi juulimi Pinngortitaleriffik Skagen værft-imik umiarsualiortussamik isumaqatigiissuteqarpoq. Umiarsuup 2012-imi marsimi naammassineqarnissaa ilimagineqarpoq. Umiarsuaq ilisimatuussutsikkut misissuilluni atortunik assigiinngitsunik angisuunik atuisinnaasunngorlugu aaqqissuunneqarpoq aamma atortunut assigiinngitsunut mikinerusunut ilaatigut qalunik bongo-nik, pullatinik, ningittakkanik immamillu uuttortaatinik suliaqarnissanut arlalinnik assigiinngitsunillu sipililersorneqartussaavoq. Tamakku saniatigut umiarsuup qaava annertuujussaaq suliffigiuminarlunilu, tassani atortorissaarutinik immikkut pisatsersuisoqarsinnaavoq; masattunik misissuiffiit laboratoriat marluk, panertunik misissuiffik laboratoria ataaseq, qerititsiviit kemikaliaasivillu. Tamakku saniatigut umiarsuarmi inuttat ilisimatusartullu atugarissaarnerujussuanngussapput. Umiarsuaq nutaaq iluaqutigalugu nunatsinni aatsitassarsiornermi aalisarnermilu immami avatangiisit eqqarsaatigalugit tamakkuninnga siunissami nakkutilliisussaatitaaneq nunatsinnit isumagineqarsinnaalissaaq, soorluttaaq immami pisuussutinik uumassusilinnik immallu pissusianik ilisimatusarnernut nakkutilliinernullu umiarsuaq tunngavissiiumaartoq.

Angallateeqqat

Umiarsuit saniatigut Pinngortitaleriffik pingasunik minnernik angallateqarpoq, taakku immami misissuinernut assartuinernullu atorneqarnerusarput

  • Eriksalik (Immikkut ittumik sanatitaq cabin cruiser)
  • Aage V Jensen I (Tunumi Daneborgimi atorneqartoq)
  • Aage V Jensen II Nuuk (Sukkasooq immikkut sanatitaq)
  • Avataq

umiatsiallu marluk arfernut suliaqarnermut atorneqartartut

  • Tunnulik (Qeqertarsuaq)
  • Siuttoq (Nuuk)

Pinngortitaleriffiup nammineq umiarsuit angallatillu ulluinnarni ingerlanneqarneranut aserfallatsaaliorneqarneranullu aningaasartuutit isumagisarai. Pinngortitaleriffiup umiarsuit misissuiffiit Pinngortitaleriffiup atunngikkaangagit allanut atukkiuttarpai. Taassuma saniatigut Pinngortitaleriffiup nunanik allanik ilisimatuussutsikkut suleqateqarnikkut Kalaallit Nunaata imartai misissuiffigisarpai, nunat allat umiarsuaataat atorlugit.

Aage V. Jensen II
Tunnulik
Erisaalik
Siuttoq
Nutartigaq 09.10.2014