Siunertaq aaqqissuussanilu

Pinngortitaleriffiup siunertaa, suliassai aaqqissuussaaneralu

Suliassat Inatsisartut inatsisaat nr. 6-mi 8. juni 1994 malillugu

• Kalaallit Nunaanni eqqaanilu pisuussutsit uumassusillit nungukkiartuutaanngitsumik atorneqarnissaasa, kiisalu avatangiisit uumassusillillu amerlassusiisa isumannaallisaavigineqarnissaannut ilisimatuussutsikkut tunngavissarsiornissaq.
• Pinngortitaleriffik suliassaqarfimmi iluani Namminersornerullutik Oqartussanut siunnersuisartussaavoq.
• Ilisimatusarnerit inernerinik saqqummiussisarnissamut pisussaatitaavoq.

Taakku tunngavigalugit Pinngortitaleriffiup pingaarnertut anguniagassai

• Ilisimatuussutsikkut misissuinerit qaffasissumik pitsaassusillit tunngavigalugit siunnersuineq.
• Silap allangorneratigut inuillu sunniineratigut pinngortitami pissuseqatigiit uumasoqarfiillu allangoriartornerannik siumut eqqoriaaneq.
• Pisuussutsit uumassusillit (uumasut naasullu) piujuartussamik nungusaataanngitsumillu atorneqarnissaannik innersuussineq.
• Avatangiisit uumassusillillu tamat isumannaallisaavigineqarnissaannik innersuussineq.
• Misissuiffinni najugaqartut inuit ilisimasaat ilisimatuussutsikkut sulinermi ilannguttassallugit.
• Kalaallit Nunaanni inuiaqatigiinni soqutigisaqaqatigiit assigiinngitsut ammasumik isummersoqatigisassallugit, pinngortitamilu pissuseqatigiit pillugit paasissutissiisarnissaq.
• Sulisunut pissutsit pitsaasut isumannaarsimassallugit suliffeqarfimmilu nunanit tamaneersunit suliffiusup kalaallinik aamma sulisoqarnissaa isumamannaassallugu.
• Suliffeqarfiup tarnikkut timikkulllu isumannaatsuunissaa toqqissisimanartuunissaalu attatiinnassallugu kiisalu piffissamut naleqquttunik avatangiiseqarnissaq, suliffeqarnissaq aammalu ingerlalluartumik logistikkeqarnissaq isumannaassallugu.
• Aningaasaqarnikkut atugassat Aningaasanut Inatsimmit aammalu avataanit aningaasaliissutitigut isumannaassallugit.

Anguniagassat piviusunngortinneqartarput sulisut ima sulineratigut

• Pisuussutit uumassusillit atorneqarnerat sernissorneqarnerallu pillugu paasissutissanik katersineq, piareersaaneq nalilersuinerlu.
• Pisuussutinik uumassusilinnik Kalaallit Nunaannut pingaarutilinnik nalilersuinisssaq siunertaralugu ilisimatusarneq.
• Pinngortitami pissuseqatigiit ineriartornerannik allanngorarnerannillu ilisimatusaatinut peqataassalluni.
• Kalaallit Nunaanni pinngortitamik atuinermi sakkunik suleriaatsinillu misissuinernik ineriartuinernillu suleqataaneq.
• Ilisimatusarfiit taaneqareersut pillugit nunanut allanut Kalaallit Nunaata pisussaaffii isumagissallugi
• Kalaallit Nunaata pisussuutaanut uumassusilinnut tunngassuteqartumik, Kalaallillu Nunaata avatangiisaanut pinngortitaanullu pingaaruteqartumik suliffeqarfinnik allanit ilisimatusarfigineqarnera taassumalu nalunaarsorneqarnera ataqatigiissaassallugu.

Pinngortitaleriffik suliassaatinik suliarinnittarsinnaavoq

• Pisortat suliffeqarfiillu allat suliassaataannik
• Suliffeqarfiit, ingerlatsiviillu privatit suliassaataannik
• Pinngortitaleriffik siulersuisunit pisortamillu aqunneqarpoq, Nunamut namminermut, Pinngortitamut Avatangiisinullu Naalakkersuisoqarfik aaqqissuussaanikkut ataani inissisimalluni.

Pinngortitaleriffiup siulersuisui suliffeqarfimmut qullersatut akisussaaffeqarput. Siulersuisut qulakkeertussaavaat suliffeqarfiup aningaasat atugassarititat ukiumoortumik Inatsisikkut Aningaasartuutinit tunniunneqartartut iluanni suliassat inatsisitigut aalajangikkat, sapinngisamik pitsaanerpaamik suliarineqarnissaat.

Siulersuisut sulianut periaasissat aalajangertarpaat, ukiumoortumillu suliassanut pilersaarutit aningaasanullu missingersuutit akuersissutigisarlugit.

Siulersuisut katitigaanerat

Siulittaasoq Gert Mulvad, nakorsaq, Dronning Ingridip Peqqissaavia, Dronning Ingrids Hospital

Naalakkersuisoqarfimmi pisortaq Hans-Erik Bresson, Nunami Namminermi pissutsinut, Avatangiisinut Pinngortitamullu Aqutsisoqarfik.

Naalakkersuisoqarfimmi pisortaq Jens K. Lyberth, Piniarnermut, Aalisarnermut Nunalerinermullu Naalakkersuisoqarfik.

Naalakkersuisoqarfimmi pisortaq, Mikael Kristensen, Ilinniartitaanermut Ilisimatusarnermullu Naalakkersuisoqarfik

Leif Fontaine, KNAPK-mi siulittaasoq, KNAPK.

Brian Buus Pedersen, pisortaq, Kalaallit Nunaanni Sulisitsisut Peqatigiiffiat.

Klaus Knudsen Frederiksen, siulersuisunut ilaasortaq, Savaatillit peqatigiiffiit suleqatigiissut.

Henrik Philipsen, logistikkilerinermi ataqatigiissaarisoq, Pinngortitaleriffik.

Josephine Nymand, Ilisimatooq, sulisunit aallartitaq, Pinngortitaleriffik.

Klaus Nygaard, aalajangeeqataasinnaanani peqataasoq, Pinngortitaleriffiup pisortaa.

Kathrine Lund Olsen, aalajangeeqataasinnaanani peqataasoq, Pinngortitaleriffiup Allaffissornermut Aqutsiviani pisortaq.

Emma Kristensen, aalajangeeqataasinnaanani peqataasoq, Pinngortitaleriffiup paasissutissiiviani pisortaq.

Ilisimatusarnermut ataatsimiititaliaq siulersuisunut siunnersuisartoq

Iisimatusarnermut ataatsimiititaliaq siulersuisunut siunnersuisarpoq. Ataatsimiititaliap ilaatigut suliffeqarfiup suliassanut pilersaarutaasa piffissamullu ungasinnerusumut periaasissat suliarineqarnerannut akuersissutigineqarnissaannullu atasumik siulersuisut siunnersortussaavai.

Pinngortitaleriffiup ilisimatusarnera Ilisimatusarnermut ataatsimiititaliap aammattaaq nalilertartussaavaa. Ilisimatusarnermut ataatsimiititaliap ilaasortai ukiut pingasukkaarlugit toqqarneqartarput.

Siulittaasuat Pinngortitaleriffiup inassuteqarneratigut Naalakkersuisut toqqartarpaat. Ataatsimiititaliap ilaasortai allat siulersuisut inassuteqarnerisigut ilisimatusarfiit allat toqqartarpaat.

Ilisimatusarnermut ataatsimiititaliap ilaasortai

Kevin McCormick, siulittaasoq. Northern Conservation Division, Canada.

Tore Haud, Norwegean Institute of Fisheries and Aquaculture, Norge.

Hans Lassen, ICES, Danmark.

Aqutsisut

Pisortaq siulersuisunut attaveqartuuvoq, ulluinnarnilu instituttip ingerlanneqarnera aqutaralugu avammullu kiinnernermi sinniisuusarluni. Pisortap isumagisassaraa instituttip suliassani naleqquttumik, eqqortumik aammattaarlu ilisimatusarnermik tunuliaqutilimmik suliarisassagai, soorluttaarlu instituttip aningaasaliissutit sippornaveersaarlugit pinissaa isumagisassaralugu.

Aqutsisut katitigaanerat

• Pisortaq Klaus Nygaard
• Immikkoortortami pisortaq Helle Siegstad, Immikkoortortaq Aalisakkat & Qaleruallit
• Immikkoortortami pisortaq Fernando Ugarte, Immikkoortortaq Miluumasut & Timmissat
• Allaffimmi pisortaq Kathrine Lund Olsen, Allaffeqarfik
• Pisortap tullia Peter Schmidt Mikkelsen, Silap Pissusianik Ilisimatusarfik
• Pasissutissiivimmi pisortaq Emma Kristensen, Paasissutissiivik

Immikkoortortat marluk aammalu Allaffeqarfiup saniatigut uku immikkoortortaqarfiupput

Silap Pissusianik Ilisimatusarfik Pinngortitaleriffimmut ikkunneqarnikuuvoq. Taassuma sullissiviup pisortaraa Professor Søren Rysgaard, pisortamut Klaus Nygaard attaveqartuuvoq.

Ataqatigiissaarinermik allaffeqarfik aqutsisoqarfimmut atorfilittatut atassuteqarpoq, massa logistikkimit suliallit Allaffeqarfiup ataani inissisimasut aammalu IT/Dataenhed Immikkoortortaqarfiup Aalisakkat & Qaleruallit ataanni inissisimasoq.

Angallatit ilisimatusaatit marluusut naalagaat Allaffeqarfiup pisortaanut saaffiginnittartuupput.

Pinngortitaleriffik 60-it missaannik amerlassusilinnik inuup ataatsip suliarisinnaasaasa naatsorsornerannik (Årsværk) suliaqartarpoq Aningaasartuutissanut Inatsisip ataani. Ataavartumik sulisorineqartut imatut agguataarsimapput, pisortatut atorfiit 4, atorfiit ilisimatusartunut teknikkikkullu ingerlatsinermut tunngasut aammattaarlu ilinniartunik tiimimusialinnik ikiorteqarneq massalu ataavartumik tiimimusialinnillu angallataatini ilisimatusaatini atorfeqartinneqartut 55.

Sulisut allattorsimaffiat

Sulisorineqartut tunngavileriikkamik akissarsiaqartinneqartut saniatiguttaaq institutti avataaninngaanit aningaasalersorneqartunik projektinut sulisoqartarpoq (professorit, ilisimatusartut, PhD-ilinniartut il.il). Pingaarnertut aningaasaliisoralugit Kommisionen for Videnskabelige Undersøgelser i Grønland (KVUG) Silap Pissusianik Ilisimatusarfik 75 missaanni amerlassusilinnik avataaneersunik sulisoqarpoq. Taakkunannga sulisunik allattorsimaffik nutartertuarpoq.

Silap Pissusianik Ilisimatusarfiup sulisuinik allattorsimaffik

Institutti atorfinitsitsiniarnermini Kalaallit Nunaata iluaninngaanniik atorfinitsitsiniarsarisarpoq. Tamanna ajornaraangat nunarsuup sinneranit atorfinitsitsisoqartarpoq, pingaartumik nunat avannarlernit aammalu amerikap avannaanit.