11 Kalaallisut naalisagaq

Kalaallisut naalisagaq

Kalaalllit Nunaanni uumasut naasullu mianerisariallit allattorsimaffiat aappassaa saqqummersinneqarpoq. Siulleq 2007-imi (Boertmann 2008) suliarineqarpoq. Allattorsimaffiup nutaap allaanerussutigaa maannakkut nittartakkakkut saqqummersinneqarami aammalu naasunik nunami naasartunik 490-inik ilaneqarami. Imaappoq miluumasut 37-it, timmissat 66-it, imermi tarajoqanngitsumi aalisakkat uumasartut 3, pakkalukkat 5, naasut imermi tatsinilu naasartut 2, Qivittup assai assigiinngitsut kakillarnaasat 7, Nerlerit nerisassaat assigiinngitsut 5, Uiffaat 26-it, naasullu assigiinngitsut 450-it Kalaallit Nunaanni piujuarsinnaanermut inissisimaffiat naliliiffigineqarput. Matumanilu uumassusillit assigiinngitsut 602-it katersorneqarput.

Nalilersuinerit uani takuneqarsinnaapput (LINKi Inissisimaffik 2 #1 Nalunaarsuiffimmi), nalunaarsuiffiit tabel-it marluk tassaniipput – aappaa uumasunut tunngasuulluni  (LINKi Inissisimaffik 2 #3 Uumasut) aappaalu naasunut tunngasuulluni (Linki Inissisimaffik 2 #4 Naasut).

Uumasut akornganni 12-it ”Navianartorsiortitaangajalluinnartutut” nalilerneqarput, 18-it ”Mianernartutut” nalilerneqarlutik, 5-t ”Nungunnissaat aarlerinartumiilluni”, 1-k ”Nungunnissaat aarlerinartorujussuulluni”, 2-k ”Sumiiffimmi tassani Nungussimapput”, ataaserlu ”Nunguissimalluni”.

Naasut sorlallit akornganni 31-it ”Navianartorsiortitaangajalluinnarput”, 60-it ”Mianernartutut” inissisimapput, ataaserlu ”Sumiiffimmi Nungussimalluni”. Taamaalilluni nalunaarsuiffimmut allattorneqarsimasut 22%-ii – minnerusumik annerusumilluunniit nungutaariaannaasutut naliliiffigineqarput.

Uani nalunaarsuiffimmi (LINKimiipput Inissisimaffik 3 naliliiffigineqarneri allannguuteqarsimasut) takuneqarsinnaapput 2008-miit ullumikkumut inissisimanermikkut allannguuteqarsimasut.

 

Boertmann, D. 2008. Nunatsinni naasut uumasullu mianerisariallit 2007. – Namminersornerullutik Oqartussat, Danmarkimi Avatangiisinik Misissiuisoqarfik, 158 p. LINK

 

 

Nutartigaq 20.05.2019