CITES

Kalaallit Nunaat CITES (Convention on International Trade in Endangered Species of Wild Fauna and Flora), isumaqatigiissummut ilaasortaavoq, tassasoq uumasunik naasunillu nungutaanissamut navianartorsiortitaasunik nunani tamalaani nioqquteqarneq pillugu isumaqatigiissut. Siunertaavoq taamaallaat nungusaataanngitsumik siunertaqartumik niuerneq ingerlanneqarsinnaasoq - tassa uumasut ;naasullu nujuartat nungusaataasumik ilanngaaffigineqartassanngitsut. Tamanna naleqqussarneqarluni malittarisassiuunneqartarpoq immikkut ittumik niuernermi akuersissusiinikkut, imaluunniit uumasut naasullu ilaannik taakkulu ilaannik (amiinik, kigutaanik, meqquinik il.il.) nioqquteqarnissamik inerteqqusiinikkut.

Liste I, II og III

Uumasunit naasunillu artit, apeqqutaallutik qanoq navianartorsiortigisut, liste I, II aammalu ; III-mi nalunaarsoqqapput. Nunat tamalaat akornanni liste I najoqqutaralugu niuerneq inerteqqutaalluinnarpoq. Liste II-mi artinut nungusaataanngitsumik atuinermut uppernarsaat pisariaqarpoq CITES-ikkut akuersissummik pissarsiniaraanni, tassa eqqussinermut avammullu tunisinermut akuersissutit pissarsiariniaraanni (akuersissutit pissarsiarineqarsinnaapput Pinngortitamut Avatangiisinullu Naalakkersuisoqarfimmut saaffiginninnikkut.

Kalaallit Nunaanni artinut niiverutigineqartut:

Allattorsimaffik I - Arferit anginerit (tikaagulliit kitaani ilanngunnagit)

Allattorsimaffik II - Tikaagulliit kitaani, nannut qilalukkallu qernertat

Allattorsimaffik III - Aarrit (EU-p aarrit liste II-miittutut isigaat)

Kalaallit Nunaanni CITES-mit isumaginnittut

Pinngortitaleriffik tassaavoq ilisimatuutut CITES-imut Kalaallit Nunaanni oqartussaasoq, taamatullu nungusaataanngitsumik tunngasunut oqaaseqaatit CITES sullillugu suliarisarlugit. Taakku navianartorsiortitsinnginnissaq aallaavigaat, sapernanngippallu nunat tamalaat nungusaataanngitsumik piniarnerput siunnersuinerat aallaavigalugu. Tassa isumaqarpoq uumasut nungusaataanngitsumik piniarneqarnersut ilisimaneqanngippat uumasut illersorneqarnissaannut iluaqutaassalluni.

CITES dokumentit Pinngortitateriffimmit

2017 Kalaallit Nunaannit uumasunit imarmiunit nioqqutissianik avammut niueruteqarnerup piujuartitsiniarnermik tunngaveqarneranik CITES-ip 2017-imi naliliinera

2016 Kalaallit Nunaannit miluumasunit imarmiunit nioqqutissianik avammut niueruteqarnerup piujuartitsiniarnermik tunngaveqarneranik CITES-ip 2016-imi naliliinera

2015 Kalaallit Nunaata Atlantikup aaviineersunit (Odobenus rosmarus rosmarus) avammut tunisassiornerata aaveqassutsimut ulorianartorsiortitsinnginneranik uppernarsaalluni naliliinerit (NDF-imik taaneqartartut) pingajuat

2012 USA-mi Nunap Iluanut Naalakkersuisoqarfiup Kalaallit Nunaanni nannut pillugit misissuinernik kingullernik apeqquteqaataanut paasissutissat

2012 USA-mi Nunap Iluanut Naalakkersuisoqarfiup Kalaallit Nunaanni aarrit pillugit misissuinernik kingullernik apeqquteqaataanut paasissutissat

2011 CITES-NDF Aarrit inerniliinerit (kalallisut) aamma entire document (English)

2009 CITES-NDF Qilalugaq qernertat inerniliinerit (kalallisut) aamma entire document (English)

2007 CITES-NDF Nannut inerniliinerit (kalallisut) aamma entire document (English)
 
2007 CITES-NDF Qilalugaq qaqortat inerniliinerit (kalallisut) aamma entire document (English)

2007 CITES-NDF Aarrit

2005 CITES-NDF Qilalugaq qernertaq (qallunaatuani takukkit)

Nutartigaq 13.06.2017