Timmiaq nalunaaqutsigaq nalunaarutigiuk
 |
 |
Ilisimatuut ikiukkit: Timmissat nalunaaqutsersukkat paasissutissartaalu uagutsinnut nassiutakkit!
Timmiamik nalunaaqutalimmik nassaaruit imaluunniit naammattuugaqaruit Pinngortitaleriffimmut nalunaarutigiuk. Uunga sianerit imaluunniit allagit:
Pinngortitaleriffik
Kivioq 2
Postboks 570
3900 Nuuk
Kalaallit Nunaat
Tlf. +299 36 12 00
Timmiaq niuatigut qalipaatilinnik nalunaaqutsigaq imal. satellitsikkut aallakaatitsissutilik nassaarineqarsimappat Pinngortitaleriffimmut niut nalunaaqutsikkat aallakaatitsissutillillu imal. timmiaq tamaat uatsinnut nassiussinnaavatit.
Nassiussinermi immersugassaq uani aasinnaavat (pdf-itut, 106 KB)
Timmiaq saviminermik nalunaaqutsigaappat allannerilu kisitsisaalu ersarippata, naammappoq Pinngortitaleriffimmut paasissutissartai siarngutigissallugit.
Allassaguit paasissutissat makkua ilaassapput:
- Nalunaaquttap normua nalunaaqutsersuisullu atia
- Timmissap suunera (suunera ilisimaneqarpat)
- Nassaarinniffik ulloq piffissarlu
- Nassaarinniffik sumi, illoqarfik angineq qaninneq nalunaarutigiuk
- Peqqut paasissutissat allat
- Timmissap issusaa: Uumanersoq, toqunganersoq ( toqoqqammerpa imal. sivisuumik toqungasimava), napparsimava imal. ajoqusernikuua? il.il.
- Timmissap nassaarinerani paasisssutissat pingaarutillit: Aallaatissimava, umiarsuarmut/angallammut aporsimava, igalaamut imal. ledninginut aporsimava, napparsimasoq/ajoqusersimasoq toqunneqaannartariaqarsimallunilu, uumasumit allamit toqunneqarsimava, timmiaq tigusareriarlugu aninguiseqqillugulu, nalunaaquttap kisitsisai qinngusersorluni/assiliivimmik atuarneqarsimavoq, nalunaaqutaq kisiat nassaarineqarsimavoq il. il.
- Nassaartup aqqa najugaa oqarasuaataatalu normua. Nassaartut tamarmik nalunaaquttaap paasissutissartaanik nassinneqarsinnaapput e-mail imal. najugarisaq oqaatigisimaguniuk.
Timmiaq nassaarineqartoq toqungappat qalipaatilimmillu nalunaqutsigaasimalluni, paasissutissat makkua perusuppagut:
- Nalunaaqutaq, niu nalunaaqutalik imaluunniit timmiaq tamaat paasissutissallu 1-imiit 6-imilu taaneqartut Zoologisk Museumimut nassiullugit.
- Nalunaaquttap normua nassiussinermi allakkanut ilanngullugu (tamanna pingaaruteqarpoq ilaatigummi nalunaaqutaq aqqutaani tammartarmat)
- Nassaarsimallutit Pinngortitaleriffiimmut saaffiginnereersimanerlutita allakkani taassavat
Nassaarsimaguit ima nalunaarusiorsinnaavutit:
- Nalunaaquttap normua 20080208 Bird Band US Fish & Wildlife Service Laurel MD 20708 USA
- Timmiap suunera: Miteq angutiviaq utoqqaq
- Ulloq/nal. : 29.01.2009, nal. 16-ip miss.
- Sumiiffik: Kingittoq, Nuup Kangerlua. GPS: 6425N, 5130W
- Nassaarnermut peqqut: Pinialutsillunga pisaara
- Ateq: Jenseeraq Suluk, Isaroq 4, 3900 Nuuk tlf.: 12 34 56
Nalunaaquttat qalipaatillit plastikkiusut allallu qalipaatilinnik nalunaaqutsersuinermi atortut
Timmiamik qalipaatilimmik nalunaaqutsikkamik siumuiguit, nalunaaquttap saviminiusup normui ilanngutinngikkaluarlugit paasissutissartai Pinngortitaleriffimmut nassiussinnaavatit, imal. nalunaaqutsersuisunut toqqaannarlugu nassiussiussinnaavatit. Nalunaaqutsersuititsisartut aqqi najugaalu uani nanisinnaavatit: European colour-ring Birding.